مؤدي المهرجانات علي قدورة يعلن اعتزال الغناء
قرر المطرب علي قدورة، أحد أعضاء فرقة مطرب المهرجانات حمو بيكا، اعتزاله الغناء نهائيًا، وأعلن تبرئته من المزيكا والأغاني المنتشر على مواقع التواصل الاجتماعي و“اليوتيوب”
نشر علي قدورة، عبر حسابه على موقع التواصل الاجتماعي “فيس بوك”، صورة من أمام الكعبة، أعلن من خلالها توبته قائلًا: "السلام عليكم في يوم جمعة مبارك انا علي عبد القادر السيد، الشهير بـ علي قدورة كنت مغني قبل النهاردة في حاجة حصلتلي مش عارف ايه هي بس الحاجة دي هي اللي بتخليني اتكلم دلوقتي انا بريء من كل عمل او مزيكا عملتها في حياتي".
وتابع علي قدورة: "بعلن اعتزالي عن مجال الأغاني لحد ما يفتكرني ربنا ويارب سامحني عن أي حاجة انا عملتها في حياتي أو أي حاجة صدرت مني ويارب قربني ليك وافتحلي باب رزق يرضيك ومفيهاش حاجة لو بدأت من جديد في اي شغل بالحلال وأي فلوس معايا انا هسيبها بالرضى لأهلي ومش عارف هيبقى الصح ايه وهبقى لا امتلك إلا "صفر" وربنا يثبتني في الطريق ده ومش هطول عليكم بس دي نيتي وربنا كريم وكبير و“غفور رحيم”
يذكر أن علي قدورة، هو أحد أشهر مطربي المهرجانات، والذي أعلن عن حصوله على عضوية نقابة المهن الموسيقية مؤخرًا، بعد تعرضه للعديد من الأزمات والمشاكل.
