عمرو أديب عن انتخابات الرئاسة: لازم الشعب "يبتز" المرشحين.. ومش شايف حد فى المعارضة

علق الإعلامى عمرو أديب على انتخابات الرئاسة المرتقبة قائلا “ محتاجين إجابات عن الأسئلة حول حلول لأزمة الدولار وسد النهضة وغيرها من القضايا"

وتابع فى برنامجه الحكاية ،" فى ناس بتقول إن الرئيس عبد الفتاح السيسي هيكسب هيكسب .. بس فى فرصة إنك تبلغ الرئيس اللى حتى بتقول إنه هيكسب هيكسب إن فى حاجات أنت عايزها.. وأكيد كل رئيس فى الدنيا بيعمل حاجات كويسة وحاجات مش كويسة".

وقال عمرو أديب عن المعارضة" بتقولك بنفكر ولما نقعد .. هتقعدوا امتى .. أنا خوفى كله إن السبب يكون أنانى ومش عايزين ينجموا حد"، متابعا “هل المعارضة مش لاقية واحد تقدروا تقفوا وراه وتتكاتفوا وتختاروه”.

وقال “ هذه فرصة أن يحدث التغيير بشكل ديمقراطى .. الانتخابات الرئاسية هى فرصة ان الشعب يبتز الناس اللى مرشحة نفسها ويسألهم هتعملى ايه وهتدينى إيه”.

وطالب عمرو أديب أن يكون هناك “مناظرات” انتخابية يرعاها المجلس الأعلى للإعلام ، وتسأل عمرو أديب قائلا" لازم يكون فى انتخابات حقيقية .. هل دى قباحة"