مواطن يوثق تجربته مع معرض سيارات "اخوان زيتون" بالإسكندرية ويحذر من التعامل معه
حذر مواطن من شراء سيارة من إحدى المعارض المعتمدة لبيع السيارات موثقا تجربته قائلا " حابب احكى تجربتى مع معرض إخوان زيتون روحت اشترى عربية مانوال اول مركبتها وبشوف غيارتها الراجل قالى الفتيس سوستة (يعنى الفتيس مش بياخد مارشدير غير ب سوستة فالعصاية ده للأمان ) كان رافض تمامًا اكشف عالعربية فالتوكيل خدت العربية وروحت لميكانيكى وسمكرى قالولى العربية تمام فيها شوية مصاريف بسيطة توكل على الله ".
وتابع ،" روحت اخلص فالعربية كانت عاملة 235 دفعت 200 وقولتله الباقى لما اخد التوكيل مضينا عقد وخدت العربية ملحقتش امشى بيها ييجى 20 كيلو العربية بطلت 3 مرات قولت عادى بتحصل بعدها ب دقيقة العربية بطلت خالص ومشعوزة تاخد اى غيار ومشعوزة تدور روحتله المعرض طبعاً ارجعها او يشوفلى حل فيها قالى مغيش مشكلة العربية هتتصلح وابيعها لما ابيعها خد فلوسك قولتله احنا ماضيين عقد وفيه بند فى حالة رجوع احد الطرفيين يخصم الف جنيه من الفلوس اخصمهم وادينى فلوسى عربيتك عندك بعد جدال طبعاً قالى خلاص هصلحها واخصم تمن التصليح من فلوسك طبعاً العقد مكانش موثق علشان يعمل بيه وده كان رده اى ورقة كده بنكتبها ".
واستطرد صاحب المشكلة ،" الفتيس طبعاً طلعت السوستة بتاعته بايظة والاولانى داخل عالمارش عادى وعصاية الفتيس بايظة وفيها مشاكل زى ماهو موضح فالصورة وطبعاً هو غير البطارية فالوقت ال جيت اكشف فيه عالعربية واخلص فيها لبسنى ف بطارية سعرها 2000 ج بس طبعاً انا مشتريتهاش.. وبعد مماطلة وتطويح خدت الفلوس بعد اسبوعيين بداعى التصليح ناقصيين 7500 ده غير انى طلبت منه يورينى فواتير التصليح موافقش ورفض تماماً يورينى حاجة زى كده رغم ان ده حقى بالرغم برضو انى مش انا ال بوظت الفتيس ولا كان ذنبى".
وقال ،" منصحش اى حد بالتعامل مع المعرض ده بيغير حاجات فالعربية ويلبسك فيها وهى بايظة ويشيلك تمن التصليح وخصم من الفلوس طبعاً ده لو مكنش طبعاً متفق مع الميكانيكى لأنهم كانو عارفين بعض شركة الاهرام لتجاره واستيراد السيارات اخوان زيتون ، مستغيثا بجهاز حماية المستهلك وموضحا أن العنوان اسكندرية الكيلو 21 وليهم معرض تانى فى ادكو البحيرة اسمه اخوان زيتون".
