شوبير يحذر الأهلي من تكرار خطأ نجم بيراميدز مع حسين الشحات
حذر الإعلامي أحمد شوبير، إدارة النادي الأهلي من الأنسياق وراء الأخبار المتداولة بشأن عرض ، حسين الشحات لاعب الفريق الأول لكرة القدم بالنادي، للبيع، على خلفية أزمته مع محمد الشيبي لاعب بيراميدز.
شوبير يحذر الأهلي من تكرار خطأ نجم بيراميدز مع حسين الشحات
وقال أحمد شوبير في تصريحات إذاعية اليوم، "إذا كنا هنجري ورا الكلام ده يبقى مش هنخلص، الأهلي يبيع حسين الشحات اللي لسه مجدد ليه من أيام قليلة.. ازاي؟، بحذر إدارات الأندية وبوجه كلامي للإدارات، مش أي حد هيقول كلمتين هنمشي وراه، شوف الصح بتاعك وبتاع ناديك واعمله، إدارة الأهلي واعية جدًا".
وأضاف أحمد شوبير، "مش هنبقى كل شوية تحت رحمة واحد يكتب على السوشيال ميديا وهو اللي هيمشيني، كل واحد فينا بيطلع كمذيع وراه أهواء وله ميول، وطبيعي أو غصب عنه هيميل لده، وفي ناس بتحاول تخفي ميولها.. الصح هو إنك تاخذ اللي يناسبك، وتسيب الباقي".
وتابع أحمد شوبير، "حسين الشحات أخطأ خطأ جسيم، وإدارة النادي الأهلي وقعت عليه عقوبة مالية كبيرة، ولجنة المسابقات عاقبته ماليا ووقفته، والشحات اعتذر للشيبي في الملعب، الأهلي عارف مبادئه وهو عارف هيمشي ازاي، بيراميدز عايز يشتكي من حقه، يروح للمحكمة من حقه، لو يكون فيه صلح تمام مافيش أي مشكلة، الأهلي شايف إن فيه تجاوز حقه برضه إنّه يتجه للحصول على حقه".
واستعاد الإعلامي أحمد شوبير، اليوم الثلاثاء، كواليس رحيل عبدالله السعيد، لاعب فريق بيراميدز الحالي، عن النادي الأهلي خلال السنوات الماضية، تزامنا مع الأزمة المثارة حاليا الخاصة بتوقيع عقوبة من جانب إدارة الأحمر على حسين الشحات.
وقال أحمد شوبير، "النادي الأهلي وإدارته تأخروا في التجديد للسعيد، والزمالك عرض عليه أعلى عقد في تاريخ الكرة المصرية وهو الحصول على 40 مليون جنيه، حصل تدخلات من جانب المسؤولين في إدارة النادي الأهلي وكمان السعيد قعد مع حسام البدري، وبكى اللاعب بالدموع وقال عايز الأهلي وبعدها حصل اللي حصل وتم التجديد للاعب وأصبح عقده مع الزمالك ليس له قيمة".
وتابع: "الأهلي قرر عرضه للبيع وراح السعودية وبعدها فنلندا قبل ما ينتهي بيه المطاف في بيراميدز، لكن النادي الأهلي مكانش عنده نيّة لبيعه، وضغط السوشيال ميديا هو اللي خلى الإدارة تبيعه".
شوبير يهاجم كولر بعد هزيمة الأهلي: "لا عملت أرقام قياسية..ولا اللاعبين حصلوا على راحة"
شن الإعلامي أحمد شوبير، هجوماً عنيفاً على السويسري مارسيل كولر، المدير الفني للفريق الكروي الأول بالنادي الأهلي، وذلك بعد الهزيمة ضد بيراميدز بثلاثية نظيفة في المباراة التي جمعتهما بملعب "الدفاع الجوي"، ضمن منافسات الدوري المصري.
وقال أحمد شوبير في تصريحات إذاعية، "مارسيل كولر جري وراء الأرقام القياسية، وحصد بطولة الدوري الممتاز بدون أي خسارة، ولم يراعي مصلحة اللاعبين في المقام الأول، كان المفروض بعد مباراة الزمالك في الدوري وحسم اللقب رسميًا، والفوز على الغريم التقليدي برباعية مقابل هدف يحصل على راحة طويلة الفريق عمل كل حاجة في البطولة من 3 مباريات سابقة الأهلي حسم الدوري، إدي إجازة طويلة للاعبين يا كولر".
وأضاف أحمد شوبير، "قرار راحة اللاعبين كان في إيدك انت.. كان لازم اللاعبين يحصلوا على راحة، وكنت أتمنى اللاعبين يحضروا مباراة حرس الحدود بدون مشاركة للاحتفال بالدوري ، وبعدها يحصلوا على راحة طويلة بعد موسم شاق وطويل وحقق فيه كل البطولات، لازم لاعبي الأهلي تريح شوية، مفيش نادي في الدنيا بيلعب عدد المباريات دي''.
