محمود عامر: بعد ما كسبت في مذيع العرب قالوا في خطأ تقني.. برامج المسابقات بيزنيس
كشف الفنان محمود عامر تفاصيل اشتراكه في برنامج " مذيع العرب": ' قابلت واحد في المطار قالي أنا مشترك في برنامج مذيع العرب قلتلوا وانا كمان قالي اكيد حضرتك لجنة تحكيم، قلتلوا لا أنا متسابق قالي ايه!، أنا كنت رايح فاكر أن ٣ ايام وهمشي روحت لقيت ٦ آلاف متسابق من الدول العربية وهنا كانت إرادة الفنان اكون او لا اكون دخلت قلبت اللجنة فنجحت.
أضاف خلال حواره مع الإعلامية انجي هشام في برنامج المنسي عبر قناة هي:' دخلت عملتلهم مذيع معاه تشت وبيعلم الستات في البيوت يمارسوا الرياضة ازاي، عملت كوميديا لدرجة أن طوني خليفة قالهم ما حدا فيكم يخش منطقة الكوميديا، محمود عامر إذا بيدولو موضوع بيرحلو على الكوميديا وانا ادغدر بيا في اخر البرابم لان الكمبيوتر قالي الراجل دا ناجح فجأة قالولي فيه خطأ تقني.
ختم عامر قائلا:' كان عندي حل من اتنين يا اضرب كرسي في الكلوب وانا على هوا وفي قناتين كبار جدا، واقولهم أنا مش نازل الكمبيوتر قالي أن أنا ناجح لكن أنا استشعرت أن اللياة خلاص فقولت أخرج فارس ومفرحش اللي هزمني وروحت اسلم على طوني خليفة عشان تعرفي أن المسألة كلها بيزنيس قالي يا استاذ محمود كنت عامل حسابي انك تخرج في البرايم الجاي يعني ايه ؟ يعني انتو مرتبينها .
