فيفي عبده: لو فيه دور يناسبني مع محمد رمضان هعمله
الأحد 16/يوليو/2023 - 11:28 ص
كشفت الفنانة فيفي عبده عن أزمتها الصحية الأخيرة، وعن ثروة محمد رمضان والتعاون معه، خلال لقاءها ببرنامج ET بالعربي.
قالت فيفي عبده: "محمد رمضان جاب منين ثروته، هل لابس طاقية الإخفاء، هو عمل أعمال ولم الثروة دي من ورا الأعمال والسوق عرض وطلب، وطالما الناس عايزينه مش هتقدر تقف قدام الرزق اللي جايله، وهو عمل ثروته بسبب رضا أبوه ورضا أمه".
وتابعت: "وممكن يكون عامل حاجات احنا منعرفهاش، ربنا بيرزقه، ومنقدرش نقول رزقه ليه، لكن عنده أخطاء ولا شك أن كل بني آدم عنده أخطاء".
قالت فيفي عبده عن تعاونها مع محمد رمضان: " لو فيه دور يناسبني مع محمد رمضان هعمله، وأنا شغالة، أنا عاملة 25 فيلم و30 مسلسل و13 مسرحية، يعني مفيش حاجة نقصاني أو حاجة أنا نفسي أعملها، بس نفسي أعمل حاجة مكونش عملتها".
