ناقد فني: تامر حسني ناجح بلغة الأرقام ولازم يفكر في الجودة الفنية
علق الناقد الفني محمد نبيل على أفلام موسم عيد الأضحى لعام 2023، خلال برنامج "فيس أوف" والذي يذاع على شاشة قناة "هي" وتقدمه مقدمة البرامج "سارة نخلة".
ناقد فني: تامر حسني ناجح بلغة الأرقام ولازم يفكر في الجودة الفنية
وأوضح محمد نبيل موقفه من هجوم رواد السوشيال ميديا على فيلم تاج بطولة الفنان تامر حسني: انا شايف الهجوم بسبب اللغط اللى بيقوم تامر بتصديره بسبب الايرادات لكن بالعكس في إشادة منظمة كتير جدا من الاكونتات والصفحات بتشيد بالفيلم بشكل منظم لدرجة أن البعض اعتقده حملة مدفوعة.
وتابع: انا لا أحبذ اتجاه "one man crew" اللي بيتبعه تامر حسني، لازم يسمع آراء تانية يشوف بعين اخري لازم يحس بروح تانية ويتعاون مع مبدعين عندهم افكار وهو عنده مشروعه وناجح فيه بلغة الأرقام تامر تقريبا الممثل الأكثر مبيعا على مستوى التوزيع خارج مصر ولكن علشان يبقى عنده استمرارية والأفلام دي تعيش مينفعش تبقى افلام للطرح فى موسم بس لازم يفكر فى الجودة الفنية مش النجاح الرقمى بس".
برنامج “ FACE OFF” تقدمه سارة نخلة على شاشة “هي” يوميًا من السبت إلى الاثنين، وتستضيف خلاله عددًا من نجوم الفن، وتناقش القضايا المطروحة يوميًا بين الجمهور.
