الكاف يهدي لاعبي الأهلي فيديو تاريخي من داخل غرفة الملابس بعد مباراة الوداد

نشرت الصفحة الرسمية لدوري أبطال إفريقيا، التابعة للاتحاد الأفريقي لكرة القدم "كاف" عبر الفيس بوك فيديو داخل غرفة ملابس الأهلي من استاد مركب محمد الخامس، عقب التتويج بلقب دوري أبطال إفريقيا في إياب الدور النهائي للبطولة الأفريقية.

فيديو تاريخي جديد من الكاف للاعبي الأهلي أمام الوداد في مبارتي الذهاب والإياب

وشهد الفيديو جانبا من الاحتفالات وحديثا بين أكثر من لاعب، أبرزهم حسين الشحات وعلي معلول وحمدي فتحي ومصطفى شوبير ومحمد شريف.

وتوج الأهلي بلقب دوري أبطال إفريقيا للمرة الـ11 في تاريخه عقب الفوز على الوداد المغربي بثلاثة أهداف مقابل هدف في مجموع مباراتي النهائي.

وقال مارسيل كولر للاعبي الأهلي بعد نهاية ماتش الذهاب في مصر: “احنا كسبنا يا جماعة 2-1 يا رجالة، احنا مخسرناش يا رجالة، هما برة زي ما يكونوا هما اللي كسبانين، احنا اللي كسبانين، لسه عندنا شوط ثاني، دول ماتشين يا رجالة لسه الشوط الثاني، هنجيب جول هناك يا رجالة".

وأضاف: "الاسبوع كله تحط في مخك، احنا رايحين نجيب جول هناك. هما عايزين يبيعوا لنا الموضوع ان احنا خسرنا، هما اللي عايزين يصدروا لنا الاحساس ده، مش حقيقة، احنا كسبنا يا رجالة، وهناك هنقدر نجيب اجوان، جهز نفسك ذهنيا هيصرخوا هيزعقوا، جمهورهم هيبقى صوته عالي مش فارق معانا هنلعب كورتنا هناك، خلاص يا رجالة".

وأكمل: "عارفين من الاول ان احنا عندنا شوطين، عارفين ان هناك هنروح ونلعب، الواثق هو اللي كسبان، مخسرناس يا رجالة احنا كسبانين".

ما بين شوطي لقاء الأهلي والوداد في الإياب

أوضح كولر: "نخلي بالنا يا رجالة اي فاول او اي حاجة بياخدها بيلعبوها بسرعة جدا، احنا لو واقفين مش مركزين، وهما فجأة يلعبوا الكورة الحكم مش هيرجع حاجة".

وأستطرد: "محدش فينا قال ان الماتش هيبقى سهل، قولنا من اسبوع اننا محتاجين نجيب جول هنا، ولسه حظوظنا زي ما هي عايزين نجيب جول، نضغط بقوة ورا يمين شمال".

واختتم: "فكروا في الكأس فكروا في عيلتكم، كل واحد في عيلتكم عايز الكأس، مصر كلها عايزة الكأس دا".