تفاصيل شخصية أحمد طارق في مسلسل "ليه لأ 3" بطولة نيللي كريم
كشف الفنان أحمد طارق، عن تفاصيل شخصيته في مسلسل “ليه لأ 3”، بطولة الفنانة نيللي كريم، ومن المقرر عرضه على منصة شاهد VIP خلال الأيام القادمة.
تفاصيل شخصية أحمد طارق في مسلسل "ليه لأ 3" بطولة نيللي كريم
قال أحمد طارق خلال لقائه مع منصة شاهد:" بقدم شخصية كريم شعلان، هو رجل أربعيني، مطلق، وعايش حياة بسيطة عادية، وبيمر بظروف اجتماعية، وبيقع في ظروف بتخليه ياخد قرارات مصيرية، وإنه يكون أقل أنانية، ويعمل اللي يسعد اللي حواليه على حساب هو عايز إيه".
تابع: "شخصية كريم بتعكس الشخصية المتوسطة بظروفها الاجتماعية البسيطة، وكل المشاهد في العمل بالنسبالي صعبة، بس أصعب لحظة لما وقفت قدام الفنانة نيللي كريم، وبمثل معاها لأول مرة، وكنت مخطوف طبعًا وحاسس إني مش عارف أعمل إيه".
وأضاف أحمد طارق عن أوجه التشابه بينه وبين شخصية كريم في المسلسل:" الظروف المشتركة بينا أنا وشخصيتي في العمل، إن أنا كمان مطلق، وسننا قد بعض كمان، وارتباط الشخصية بوالدته زيي في الحقيقة".
واختتم:" مسلسل ليه لأ يميزه إنه بيناقش مشكلات اجتماعية موجودة في حياتنا بس محدش بيتكلم عنها بشكل مباشر، وهو بيتناولها بشكل واسع، وبعتبره تجربة جديدة عليا وتحدي ساعدني أطلع حاجات جوايا أول مرة الناس هتشوفها".
