الخميس 28 مارس 2024 الموافق 18 رمضان 1445
رئيس التحرير
حازم عادل
سوشيال

اكتشفت تسجيل حسابها باسم شخص آخر.. فتاة تحذر من مصرف أبوظبي الإسلامي

الأربعاء 24/مايو/2023 - 04:01 م
مصر تايمز

حذرت فتاة من التعامل مع مصرف أبوظبي الإسلامي، بعد اكتشافها وجود حسابها باسم شخص آخر، على حد قولها .

 

اكتشفت تسجيل حسابها باسم شخص آخر.. فتاة تحذر من مصرف أبوظبي الإسلامي

 


وقالت صاحبة المشكلة، "عندى مشكلة مع Abu Dhabi Islamic Bank - مصرف أبوظبي الإسلامي.. امبارح حبيت اسجل الحساب بتاعى على InstaPay Egypt  دخلت رقم الكارت والباسورد يظهرلى رسالة ان رقم الكارت ورقم الموبيل غلط".

 

وأضافت صاحبة المشكلة، "حاولت ادخل رقم الكارت اكتر من مره بتظهر نفس الرسالة ورقم الموبيل متأكده منه وكمان مسجلة بيه حساب تانى وهو نفس الرقم فى كل البنوك كلمت خدمة عملاء مصرف ابوظبى قالولى ان رقمى متسجل بيه حساب تانى لعميل تانى غيرى قولتله ازاى يعنى ؟!!! قالى ده اللى واضح عندى قولتله طيب حضرتك ازاى تسجلوا حسابين لشخصين مختلفين بنفس الرقم وهو فعل حسابه ازاى وبيتعامل عليه من غير رقم موبيل وانا ماوصلتش عندى اى رسايل لاى حساب تانى غير بتاعى قالى حضرتك ممكن تروحى الفرع وتشوفى المشكلة دى معاهم".

 

وتابعت، "طلبت منه يقدملى شكوى قال ماعنديش نص شكوى بتقول كده !!! قولتله يعنى ايه هى الشكوى دى بتبقى نص ثابت حضرتك بتبعته ولا هى على حسب مشكلةالعميل فضل مُصر مايعمليش حاجة وانى لازم اروح الفرع وانا للاسف الفترة دى عندى شغل وهخلص بعد مواعيد البنك".

 

وقالت صاحبة المشكلة، "عايزه افهم ازاى حسابين لشخصين مختلفين يتفعلوا بنفس الرقم وازاى ماينفعش اقدم شكوى علىhotline  ولازم اروح الفرع!".