"أنا مع أهلي وعيلتي".. تامر عاشور يعلق على نجاح حفلاته في السعودية

علق الفنان تامر عاشور على إحياء حفلاته في جدة بالمملكة العربية السعودية، معبراً عن سعادته من للجمهور السعودي الذى حرص على الحضور.

"أنا مع أهلي وعيلتي".. تامر عاشور يعلق على نجاح حفلاته في السعودية

وقال عاشور على هامش الحفل الذى الذي أقيم أمس السبت: "حفلة النهارده مختلفة.. الحفلات اللي فاتت كانت قوية.. ولكن المرة دي أقوى وأقوى وده اللي شغالين عليه.. الجمهور رقم 1 كان حماسه غير طبيعي.. نقينا الأغاني بعناية عشان نشوف تفاعل طول الوقت وده بان نتيجته على المسرح.. وهي من أقوى الحفلات بجد".

وأضاف تامر عاشور، "أنا مع أهلي ومع عيلتي وكل مرة باجي بحس إن الحفاوة بتزيد وعايزين ننجح مع بعض ونكسر الدنيا مع بعض وبيوصل للناس ده لأن إحساسنا صادق، واتشرفت بالتعاون مع أبو ناصر وكل الأغاني اللي بغنيها في الحفلة من كلماته وكلها علامات مميزة".

يذكر أن المطرب تامر عاشور، طرح أغنية "بحبك وخايف" وذلك عبر قناته الرسمية على موقع الفيديوهات "يوتيوب".

وطرح تامر عاشور، مؤخرا "هتوحشنا" على يوتيوب، على موقع الفيديوهات "يوتيوب" والأغنية من كلمات عمرو المصري وألحان محمود أنور، وتوزيع محمد مجدي وميكس وماستر أمير محروس.

وتقول كلمات أغنية "هتوحشنا": "هتوحشنا هتوحشنا.. فضينا السيرة ودشدشنا ورا ضهرك قلة ولا عطشنا.. ممنوع تدخل عندنا تاني لو حتى هتجي تمعلشنا.. هتوحشنا هتوحشنا دا احنا الأرض بورد فرشنا لما مشيت روقنا وفرفشنا لمينا ورقتك قطعنا قفلنا المشهد فركشنا".