شريف منير عن عودته للمشاركة في فيلم يوم 13: رحلت ثم عدت بعد إصابة محمد شاهين (فيديو)
تحدث نجوم فيلم يوم 13 عن التجربة ونجاح العمل الذي عرض في موسم عيد الفطر المبارك 2023 ويتصدر حاليا قائمة إيرادات أفلام العيد ويحتل المرتبة الأولى وصدارة الإيرادات.
قال الفنان شريف منير خلال لقائه مع الإعلامية شيرين سليمان ببرنامج سبوت لايت، المذاع على قناة صدى البلد عن فيلم يوم 13، قعدنا فترة الكورونا كلها عشان نعمل الفيلم نسخة 3D ، ومكنتش هلعب الدور اللي قدمته في الفيلم، وكان فيه دور غيره واعتذر عن تقديمه، وقولته دور الدكتور قيسون عاجبني فالمخرج وائل عبدالله قالي ده هيلعبه محمد شاهين، وقولتله مفيش نصيب في الفيلم ده ونتقابل بعدين ، وبعد اسبوعين محمد شاهين جاله انزلاق غضروفي ومكنش يقدر يتحرك، ولقيت وائل بيكلمني عشان الدور.
قال الفنان محمود عبدالمغني، عن يوم 13، إنه مبسوط بالتجربة وتجربة مختلفة ولاول مرة في مصر فيلم عربي مصري 3 دي، ومبسوط بالعمل مع وائل عبدالله بعد رحلة طويلة من الملاكي للشبح للجزيرة لمقلب حرامية .
قال الفنان أحمد داود: بقالنا اكتر من سنتين مستنيين الفيلم يتعرض، ومتحمس ومبسوط بيه جدا، وعشان تعمل فيلم 3 دي، البوستر بياخد وقت كتير جدا، والحاجات اللي بعد التصوير بتاخد وقت أكتر.
قالت الفنانة نسرين أمين، أول فيلم في العالم العربي كله يتعمل 3D ، وتجربة رعب وان شاء الله يعجب الناس كلها.
أحداث فيلم يوم 13 دارت في إطار من الإثارة والتشويق عن عز الدين الذي يعود إلى مصر بعد غياب 25 سنة ويسعى لبيع القصر الذي ورثه عن أبيه إلا أنه يفاجأ بشائعات أن القصر مسكون بالأرواح.
