سيدة تحذر من شراء منتجات شركة فريش

استغاثت سيدة من شركة فريش ، لعدم تجاوب الشركة مع مشكلتها مستغيثه بمجلس الوزراء لحل مشكلتها ، وقالت "السلام عليكم ياريت بعد اذنكم رسالتي توصل بكل جدية لمجلس الوزراء احنا اشترينا ثلاجة فريش من اقل من سنتين من اول شهرين الارفف اتكسرت وكاءنها ورق هش جدا ماعلينا الشهر الماضي مبقتش تتلج خالص خالص اتصلت بالشركة بعتو مندوب بعد 10ايام جة وركب فيها حاجتين علي حسب كلامه واخد 1950جنيه ولم يعطينا القطع المستبدلة وقال قانون الشركة كدة في اقل من25يوم نفس العطل هو هو ليا 10ايام".

وتابعت عن شركة فريش،" كل يوم اتقدم بشكوي ولاحد ساءل فينا ارجوكم ساعدوني بالله عليكم تعبت من قلة الضمير وعدم المصداقية ومحدش جة ومعي ضمان ثلاث شهور منهم ومش عاوزين يعبرونا شوفولنا حل ضروري جدا جدا بالله عليكم ". ‏‏

وكانت سيدة قد حذرت من شراء منتجات شركة فريش ، بعد تعرضها للموت هى وعائلتها لسقوط السخان فجأة ، وتسببه فى دمار منزلها، على حد قولها.

وقالت صاحبة الشكوي عن شركة فريش،" من خلال تجربة شهر واحد بس أنا حابه احذر الناس من التعامل مع شركة فريش ،في خلال شهر كنا هنموت مرتين بسبب أخطاء مميته من الشركة والعاملين فيها ..أنا اشتريت من الشركة سخان فريش 50لتر وفرن بلت أن وبوتجاز بلت أن وشفاط وطلبت الشركة عشان تبعت فني يركب الأجهزة ويفعلي الضمان وكل شي يبقي سليم لاني مش بحب اخاطر مع اي حاجة فيها كهرباء في اعتقادي أن الشركة كبيرة وبتشغل ناس موثوقة ومدربة قبل اسبوع تقريبا من جوازي 22/2/2023وانا اتجوزت يوم 4/3/2023 طلبت الشركة وجيه فني ركب الأجهزة وكانت الفرن والبوتجاز والسخان ، اول يوم دخلت فيه الشقة جوزي شم ريحة غاز مالية الشقة افتكر أن الأنبوبة هي السبب قفلها وخلاص تاني يوم بيبص علي الأنبوبة يشيك عليها لاقي أن الخرطوم مش مربوط اصلا كويس في الانبوبة شبه سايب يتفك بالايد طبعا انهارت اعصابي لاننا كان ممكن منخدش بالنا ونشغل البوتجاز ساعتها كانت الشقة هتنفجر بينا وكان هيتقال قضاء وقدر والشركة مش هتتحمل اي مسئولية اتصلنا بالشركة وصورنا وقتها فيديو وبعتناه للشركة وكانت غلطة كارثية ومميته مش حاجة بسيطة وبعد خناقة مع الشركة كبيرة بعتو فني تاني وعديت الموضوع وقتها وقلت خلاص مش هناخد اي اجراء قانوني والحمدلله ربنا ستر وكان رحيم بينا".