"حرام الفلوس اللي بتاخدوها".. طارق يحيي يفتح النار على لاعب الزمالك
شن طارق يحيي، نجم الزمالك الأسبق، هجوماً عنيفاً على البرتغالي فيريرا المدير الفني للفريق الكروي الأول بنادي الزمالك واللاعبين، عقب الخروج من دور المجموعات في بطولة دوري أبطال إفريقيا.
"حرام الفلوس اللي بتاخدوها".. طارق يحيي يفتح النار على لاعب الزمالك
وخطف شباب بلوزداد الجزائري تأشيرة العبور إلى ربع نهائي دوري أبطال إفريقيا، بفوزه على ضيفه الزمالك بهدفين دون مقابل في المباراة التي جمعتهما أمس الجمعة، في ملعب "5 يوليو" ضمن لقاءات الجولة الخامسة من منافسات المجموعة الرابعة.
وبهذا الفوز، رفع شباب بلوزداد رصيده إلى 9 نقاط، في وصافة ترتيب المجموعة الرابعة، ليلحق بالترجي التونسي المتصدر برصيد 10 نقاط إلى ربع النهائي، بينما توقف رصيد الزمالك عند 4 نقاط في المركز الأخير، وأصبحت مباراة الزمالك أمام المريخ السوداني في الجولة السادسة والأخيرة "تحصيل حاصل".
وقال طارق يحيي في تصريحات عبر قناة "الزمالك"، "لا في لاعيبة عندها رجولة ولا نخوة ولا روح، ولا مدير فني قاعد بيألف مدير فني عقيم، احنا مبنروحش للجول يا جماعة، ايه القرف ده".
وأضاف طارق يحيي، "اللاعيبة دي رايحين بينا على فين؟ حرام الفلوس اللي بياخدوها دي، اقفلوا الحنفية عليهم واخصموا منهم، لاعيبة معندهمش دم".
واستكمل، "ايه المنظر اللي شوفناه في مباراة شباب بلوزداد ده، دعم متواصل من الجماهير والإدارة للفريق، مفيش حد بيتأخر عنكم في حاجة، اللي ممكن نعمله اكتر من كده، بعد عودة مرتضى منصور، لازم تكون هناك قرارات قاسية ضد الجهاز الفني واللاعبين".
