زوجة في دعوى نفقة: "ابني مريض سكر وبيتأخر عليا في مصروفه"
أقامت سيدة دعوي نفقة، أمام محكمة الأسرة بشبرا، طالبت فيها بإلزام مطلقها بسداد النفقة المطلوبة لطفله وذلك بسبب تأخره المستمر عليها بمصاريف طفلها مع علمه بأنه مريض سكر ويحتاج لعلاج.
زوجة في دعوى نفقة: "ابني مريض سكر وبيتأخر عليا في مصروفه"
وقالت الزوجة في الدعوى التى حملت رقم 1577 أمام قاضى محكمة الأسرة أنها تزوجت منذ عام ونصف وكان بينها وبينه خلافات وبأخر فترة أصبحت لاتتحمل أفعاله وبخله عليها في مصاريف المنزل قائلة .
وتابعت "فاطمة": "أنا عشان بحبه حاولت أعدي أى مشاكل وكنت بستلف من أهلي بس عشان أجيب علاج أبني اللى عنده السكر.. وكلمت خالي وأبويا يقفه قدامه عشان يعقل ويصرف علينا ويبطل بخل بس برضه مافيش فايدة كنت في ضغط من أهلى أني اطلق منه ولكن قولت لأ عشان ابننا".
وأضافت: "أنا وهو بقينا بنتخانق كتير وطول الوقت في مشاكل ومش فاهمني ولما فلوسي تخلص وأقوله محتاجه فلوس للبيت يقولي خدي من أهلك مع أنه شغال شغل كويس وبيقبض كويس.. وأنا مبقتش قادرة أعيش معاه نهائي واتطلقنا واتفقنا انه بس يديني مصرايف علاج ابني كل شهر بس هو بيتأخر عليا".
واستكملت الزوجة أن عقب تأخره عليها بمصاريف علاج نجلهما قررت التوجه لمحكمة الأسرة بشبرا، لرفع دعوى نفقة ضد زوجها لإجباره على الإصراف على نجلهما لأنها لم تعد تتحمل ذلك.
