عمرو سعد يهنئ وحيد حامد: " تكريم لينا كلنا ولصناعة السينما"
الخميس 03/ديسمبر/2020 - 08:05 م
نشر الفنان عمرو سعد على حسابه الشخصي بـ موقع التواصل الاجتماعى "انستجرام"، تهنئة للفنان وحيد حامد بعد تكريمه أمس بمهرجان القاهرة السينمائي في دورته الـ 47.
ونشر صورة له وقال: "تكريمك يا استاذ تكريم لينا كلنا ولصناعة السينما وللجملة الحلوة اللي اتربينا عليها واتعلمنا منها واخدتنا لسحر الدراما والسينما تكريم بيشاور على جزء من التاريخ القوي اللي بيعيش ويلاطم الزمن علشان يوصل لاجيال تانية علشان يثبت أن الصح صح".
وتابع عمرو: " والأفضل بيستمر مهما كانت الظروف وتعلمنا أن النجاح مش بالزفة الكدابة والدوشة والاستعراض أو حتي عدد المتابعين او شباك تذاكر بس او ترند يروح ويجي غيرة لان الفن مش صفحة حوادث ومش شكل من الخارج".
واستطرد: " ومن جوة فاضي الفن شقا وشغل وجهد وصنعة وتجربة وفكر وعلم الفن شرف ومسؤلية تغير وامتاع وبقاء وتأثير مش مولد يغلب فيه اللي صوته أعلي وفي الاخر المولد بينفض ولا حتي منافسة هبلة وصراع عبيط الفن ثروة كبيرة قوي ومسؤلية كبيرة قوي، ربنا يديلك الصحة وطولة العمر يا استاذ انت واللي زيك ومبروووك لينا تكريمك".
