السيسي: "قولت للشيخ محمد بن زايد ساعدوا سوريا عشان خاطر ربنا"
حكى الرئيس عبد الفتاح السيسي رئيس الجمهورية، موقفًا دعم للشيخ محمد بن زايد رئيس دولة الإمارات العربية المتحدة لمصر، قائلًا: "الشيخ محمد بن زايد هيزعل مني بس الكلام ده بقوله للشعب الإماراتي ولأي حد يحب يسمع عن دعم الأشقاء".
السيسي: قولت للشيخ محمد بن زايد ساعدوا سوريا عشان خاطر ربنا
وأضاف السيسي خلال القمة العالمية للحكومات بدبي "بعد بيان 3-7، الشيخ محمد بن زايد جاء لزيارة مصر، وأول مرة هشوفه، كان ساعتها الناس بتقف في مصر بالطوابير ومفيش بوتوجاز، غاز، بنزين وسولار".
وتابع الرئيس السيسي، “الشيخ محمد بن زايد جه ومعاه وفد وعارف إيه المطلوب، مش أنا اللي قلتله، والله العظيم ما قلتله، بصيت لقيت السفن بتتحول من البحر المتوسط للبحر الأحمر فها البوتجاز والغاز والسولار والبنزين، بفكر نفسي وبفكر اللي عاوز يفتكر، ده كان أول نقطة مضيئة، والشيخ محمد نظم مع الأشقاء الدعم اللي هيتقدم لمصر، ولولاه ما كانت مصر وقفت من تاني".
واصل الرئيس السيسي تصريحاته قائلاً، "طلبت من رئيس دولة الامارات الشيخ محمد بن زايد مساعدة سوريا بعد كارثة الزلزال، فقال لي ان الامارات ترسل يوميا 8 طائرات مساعدات اغاثية وقلت له سوريا عشان خاطر ربنا، ساعدوا سوريا تحتاج أكثر واستجاب".
وفي وقت سابق، شارك الرئيس عبد الفتاح السيسي في المائدة المستديرة للشركات المليارية، وذلك على هامش المشاركة في فعاليات القمة العالمية للحكومات بإمارة دبي، وبحضور مسئولي عدد من كبريات الشركات الناشئة المليارية في تطبيقات التكنولوجيا والذكاء الاصطناعي والتجارة الإلكترونية والإدارة المستدامة للموارد.
