الراقصة دينا: وقعت كتير والرقص أكبر حب في حياتي

حلت الراقصة دينا، ضيفة فى برنامج "كلمة أخيرة" الذى تقدمه الإعلامية لميس الحديدى، عبر قناة "on".

وقالت الراقصة دينا : "أنا دايمًا بدخل الأفراح بجري فبتحصل لي إصابات كتير".

وأضافت الراقصة دينا، خلال حوارها بأنها كثيرًا ما تقع أثناء الرقص وبعض الوقعات بتبقى تلقائية وصدفة وقصت تفاصيل واقعة حدثت لها فى أحد الأفراح، قائلة : "واحدة كعبلتني عن قصد ورجعلتها قلتلها ليه؟ هتستفيدي إيه ؟  قالتلى بهزر".

وأضافت الراقصة دينا، عن واقعة آخرى قائلة: " مرة إتكعبلت  في سلك فيديو وطرت وأنا بطبعي بقع وبقوم حتى لو موجوعة من شدة إحراجي لأني بتكسف أوي من السقوط لازم أقوم وأكمل الفقرة، المهم لما أقع وأنا برقص أقوم  عشان  لازم أقف وأكمل وبعد إنتهاء الفقرة كنت ببدأ اكتشف الآلآم وتورمات وكدمات وأصعب الإصابات كنت عندما إنزلقت وأصبت بتمزق فى أربطة القدم  وكنت بضع مسكن وبكمل لأن فيه ناس بتبقى منتظراني في ليلة العمر هتعب ساعة بس لا أفوت فرحة يوم العمر لأي بني أدم".

دينا الرقص أكبر حب فى حياتى

وتابعت الراقصة دينا، فى حوارها التليفزيونى قائلة : " أنا بعشق الرقص وهو أكبر حب في حياتي  لكن لايفوق حبي لابني "علي"، ورغم كل المسيرة دي بس لسه بخاف من مواجهة الجمهور وبعمله حساب وببقى قلقانة لسه وأنا بطلع المسرح قبل شراء الفستان وعاوزة أعرف رأي الناس".

وأكملت الراقصة دينا :"الرقص هو حياتي وبستمتع  طول الوقت بالرقص  وعشان كده توجهت لتدريب الرقص دلوقتي عشان أفضل أرقص  لما  تغيب الأضواء"