"ميتلاند ده محل بقالة مش نادي كورة".. هاني شاكر يوجه رسالة ساخرة لـ إمام عاشور
وجه الفنان هاني شاكر رسالة ساخرة إلى إمام عاشور، لاعب الفريق الكروي الأول بنادي الزمالك، بخصوص رغبته في الرحيل للاحتراف في صفوف ميتلاند الدنماركي.
"ميتلاند ده محل بقالة مش نادي كورة".. هاني شاكر يوجه رسالة ساخرة لـ إمام عاشور
وقال هاني شاكر في تصريحات تلفزيونية، "هو إمام عاشور رايح لنادي اسمه ايه؟ ميتلاند؟ ده محل بقالة ولا ايه ؟، لا أتمنى رحيل إمام عاشور عن نادي الزمالك، هو لاعب كبير وهاتفته اليوم من أجل اقناعه".
وأضاف هاني شاكر، "الدوري الدنماركي ليس من الدوريات الكبيرة، وإن كان إمام عاشور يريد الرحيل إلى أوروبا فكان عليه انتظار عروض من دوريات كبرى مثل الدوري الانجليزي".
تابع هاني شاكر، "إمام عاشور كاسر قلبنا من إمبارح، موهبتك وقيمتك أكبر كتير من الدنمارك، مسألتش نفسك مين بيتفرج على الدوري الدنماركي؟"
وعلق الإعلامي عمرو أديب، على ما تردد خلال الساعات الماضية بشأن احتراف لاعب الزمالك إمام عاشور في الدوري الدنماركي.
وقال عمرو أديب في تصريحات تلفزيونية، "إمام عاشور لاعب كبير ومحدش يكره إنه هيحترف.. أنا كزملكاوى هفتقد إمام عاشور دلوقتي، أنا داخل على بطولة أفريقيا وبطولات كتير"، مضيفاً، "أنا كمواطن زملكاوي ليا طلب واحد بس، لو إمام عاشور هيسافر كوبري قولولنا من دلوقتي"، في إشارة إلى انتقال إمام عاشور إلى الدور الدنماركي ثم العودة من على النادي الأهلي الغريم التقليدي للزمالك.
وتابع: "مفيش حاجة تزعل، إيه العيب لو لاعب مش عايز يقعد في النادي بتاعه وعايز يروح نادي تاني، رونالدو وميسي انتقلوا من أنديتهم إلى أندية أخرى، الاحتراف ميزعلش واللي معاه قرش صياد".
وطالب نادي الزمالك باشتراط عدم انتقال إمام عاشور إلى الأهلي حال عودته إلى مصر، متابعاً: "كل حاجة لازم تكون بالعقد، عودة إمام من الاحتراف للأهلي شيء مؤلم بالنسبة لي كزملكاوي، لو إمام هيسافر كوبري قولولنا من دلوقتي ومش هزعل".
