استشاري طب نفسي يكشف تأثير تيك توك على الأطفال
كشف الدكتور ايهاب ماجد استشاري الطب النفسي وتعديل السلوك، تأثير التيك توك على المراهقين، قائلًا: "لما الأولاد بيدخلوا على التيك توك إحنا مش بنقدر نمنعهم لكن لابد من التحكم في الدوافع النفسية التي تجعلهم يدخلون مجتمع التيك توك، وينتج عنها إما انحراف فكري أو أي ما كان شكل الانحراف نتيجة لتعرضه لمحتوى هابط أو يتعرض لحياة شخصية أو دقيقة لاشخاص اخرين، فهنا انا بقفل المحبس من عند المراهق وهو الدافع النفسي علشان لما يروح للفيديوهات دي ما تأثرش عليه".
أضاف في حلقة اليوم ببرنامج "الستات ما يعرفوش يكدبوا" على قناة "CBC": "إزاي نتحكم في الدوافع النفسية عشان نخليهم يروحوا لمحتوى مفيد من السوشيال ميديا، هنا يجب أن نوجه كلمة للاباء والاولاد نقول لهم افحسبتم ان ما خلقناكم عبثا وانكم الينا لا ترجعون. يعني ربنا يا ولاد الجسم بتاعكم ده أمانة، بجهازه العصبي بكل تكويناته، احنا عارفين في فترة المراهقة في طبعهم الاندفاع والتحدي وما يسمى ساعات الابتزاز العاطفي ان احنا ممكن نتحدى بعضينا فمن غير تفكير نقوم على طول نعمل الحاجة دي علشان اثبت أن أنا قدها وقدود".
تابع: "على الأباء هخلق مساحة حوار من سن تسعة، والتأكيد للطفل إن مشاهدة الفيديوهات القصيرة تؤثر على تركيزه ويجب على الأباء أن تكون أعينهم على ما يسشاهده الطفل من فيديوهات والتدقيق في محتواها".
