أول مصرية توثق تبرعها بالأعضاء تشكر الرئيس السيسي"وتؤكد: التبرع سينقذ الأرواح
قالت دينا رضا أول سيدة مصرية توثق توكيلا بالتبرع بأعضائها بعد الوفاة، إن نشر ثقافة التبرع بالأعضاء بالبشرية سيساهم ف إنقاذ حياة البشر، مضيفة:" الناس المحيطين بها كانوا يعلمون أنها ستتبرع بأعضائها وقالولى أنى مش هوصل للنتيجة دى قبل 200 أو 300 سنة".
وأضافت خلال لقائها ببرنامج الستات ما يعرفوش يكذبوا:أنا كنت واثقة إنى هعملها، وأحب أشكر الرئيس السيسى إنه حقق لى حلمى، انا حاولت التواصل مع مخرجين ومنتجين واتجهت كل الاتجاهات وربنا سمع صوتى وحلمى انها تتعمل فيلم أو مسلسل يتعرض فى رمضان علشان أقوى تأثير للفن.
وتابعت: وحاولت أتواصل مع الفنانة إلهام شاهين وكمان محتاجين رجال أعمال يساعدوا الدولة، والرئيس شافنى وبوجهله نداء وتانى يوم بيقولولى افتحى الفيس الريس سمع صوتك وانا بشكر الرئيس لأنه حققلى حلمى اللى بحلم بيه من حوالى 45 سنة وبشكره لأنه ساعدنى ومحدش ساعدنى خالص على الرغم انهم كانوا يقدروا يساعدونى.
