نور الشربيني : أهم أهدافي إني أرجع المصنفة رقم واحد على العالم
الأربعاء 26/أكتوبر/2022 - 07:51 م
قالت لاعبة الإسكواش نور الشربيني عندنا بطولات كتير جدا، عشان كده فكرة إني ألعب بطولتين ورا بعض كانت صعبة، لأنى ما لحقتش أفصل، جاء ذلك خلال مداخلة هاتفية لبرنامج "الكورة فى وقتها" تقديم أيمن مصطفي على راديو هيتس.
و أضاف الماتشات كلها صعبة وبناخدها بجدية حتى لو مش فى الفاينال، وروان العربي لاعبة مهمة جدا ومصنفة السادسة على العالم، واستمتعت باللعب معاها.
وتابعت بحاول أحسن من أدائى ومعايا التيم بتاعى من 6 سنين، ودايما بنفكر إزاى نطور من نفسنا.
واختتمت قائلة أهم أهدافي الموسم ده إني أرجع المصنفة رقم واحد على العالم، و أى بطل فى أى رياضة هو نموذج لأطفال كتير عشان يحبوا اللعبة بسببه، ويبقى عندهم طموح ومبسوطين بيها.
