أحمد موسى عن محمد صلاح: عايزينك أحسن لاعب بالعالم.. والهاتريك رسالة لـ هالاند

أعرب الإعلامي أحمد موسى، عن سعادته بعد إحراز النجم المصري محمد صلاح هاتريك في مباراة ليفربول ورينجرز.

وأضاف موسى خلال برنامج على مسؤوليتي المذاع على قناة صدى البلد، اليوم الأربعاء: أنا كنت زعلان على صلاح بحلف 3 مرات أنا كنت زعلان عليه خصوصا بعد استبداله في المباراة الماضية وجلوسه اليوم احتياطي.

وتابع: صلاح سجل هاتريك.. أخيرا فرحتنا يا أخي أنت مش عارف بتفرحنا قد إيه.. هذا ما يفعله العبقري المصري الأسطورة.. يا لها من عودة.

وأكمل: النهارده صلاح يعود من بعيد.. يا أخي بتفرحنا إحنا عايزين تبقى أحسن واحد في العالم.. صلاح بيرد على الكلام بإحرازه أسرع هاتريك.. ربنا يكرمك وأحسن وأحسن.

وأردف: لازم تبقى عارف يا صلاح لما بتتوجع إحنا بنزعل.. أنا بحبه وأي حد بيرفع اسم مصر بحبه.. ربنا يكرمك بالهاتريك.

واعتبر أحمد موسى، عودة محمد صلاح رسالة للجميع لـ مانشستر سيتي وهالاند على وجه الخصوص قبل المباراة المرتقبة الأسبوع المقبل في الدوري الإنجليزي: إذا المباراة القادمة هي مباراة نارية أمام السيتي.