"ليه نتبرع للغارمات".. ماذا قالت شيرين عن المبالغة فى تجهيز البنات

انتقدت الفنانة شيرين فكرة التبرع للغارمات وقالت أثناء تواجدها بندوة وزيرة التضامن الاجتماعي الدكتورة نيفين القباج ضمن فعاليات مهرجان الإسكندرية السينمائي لدول البحر المتوسط في دورته الـ38، فكرة التبرع للغارمات شكلاً وموضوعا، قائلة: "اسمحولي أقول أني ضد التبرع للغارمات دول دماغهم مترسخة بأفكار انتهت من سنين".

وأضافت شيرين: "يعني ايه يجيبوا 4 شاشات و12 ملاية مع إن كفاية 4، و3 بوتجازات و2 ثلاجة، والبنات أصلا مبتعرفش تطبخ".

وسلطت الضوء على ظاهرة زواج القاصرات وتأثيراته السلبية على البنات والمجتمع، قائلة: "جواز القاصرات واجب علينا أننا نحاربه، ولازم نسلط الضوء على دور الأب والأم في انتشار الظاهرة دي، احنا بقينا نشوف بنات بيتجوزوا في سن 12 سنة عن طريق جلسات عرفية بين الأهالي".

وتابعت: "الجواز مبقاش عند سن 18 سنة عند المأذون، بيجوزوا البنات وهما أطفال والبنت تخلف وهي عندها 13 سنة، وتموت بعدها بسنة عشان جسمها ضعيف، وأهلها هما اللي بيتحملوا تربية الطفل، وجوزها بيتجوز تاني ومش في دماغه".