الأربعاء 30 نوفمبر 2022 الموافق 06 جمادى الأولى 1444
رئيس التحرير
حازم عادل
محافظات

"الناس بتتفعص من كتر الحوادث".. استغاثة أهالي المنصورة من طريق سريع فى مدخل المدينة

الأربعاء 05/أكتوبر/2022 - 09:01 م
الحادث
الحادث

استغاث عدد من أهالي مدينة المنصورة من إحدي الطرق السريعة فى مدخل المدينة مناشدين بعمل مطب صناعى لمنع الحوادث.

 

وقالت إحدي السيدات،"دلوقتي احنا عندنا في المنصورة مدرسة دوليه اسمها الصفوة و مدخل للمدينه مش أساسي امامهم طريق سريع كان قبل كده مش ممهد فكان عادي اتمهد من فتره وبقى سريع جداً ومن يومها  حرفياً يومياً بيحصل في نفس المكان حادث لحد النهارده فيه سيده اتخبطت الضهر وامبارح كذا عربيه و اول امبارح عربيتين اتقلبوا و اتوفى اكتر من 4 اشخاص "ده االي احنا عارفينهم منهم 3 عاملين بسطاء في المدرسة في حادثتين مختلفتين 2 دادات وسواق".

 


وتابعت السيدة ،"روحنا للمدرسة قالوا قدمنا طلبات بكوبري مشاه و مطبات و وزير النقل ما أشرش عليها "، متابعا هنسيب الناس تتفعص زي الحشرات كده بلا رحمه والفكره ان المكان هناك الناس اللي بتعدي الطريق ده يا رايحين المدرسة يا داخلين مدخل المدينه من المكان ده عشان جايين من القرى يروحوا التأمين الصحي يصرفوا دوا او يتعالجوا يعني اصلا متبهدلين".