مديرة مدرسة بباب اللوق تحرم الطلاب من الدراسة عقاباً لشراء الزي المدرسي من الخارج

أقدمت مديرة مدرسة ليسيه الحرية بباب اللوق ، عدد من الطلاب ممن لم يشتروا الزى المدرسي من داخل المدرسة على الوقوف طول اليوم عقاباً لهم ، وذلك وسط استغاثة أولياء الأمور من مديرة المدرسة التى قالوا إنها قامت بمضاعفة مصروفات المدرسة فى 3 سنوات فقط.

وقالت إحدى أولياء الأمور فى عرض مشكلتها على وسائل التواصل الاجتماعى ،"اتمنى من الله ان صوتنا يوصل لوزير التربية والتعليم واللى يقدر يوصله بالله عليكم ما يتأخرش احنا اولياء امور مدرسة ليسيه الحرية باب اللوق ..اللى الاستاذة الفاضلة مديرة المدرسة اللى المفروض انها انسانة وتربوية قبل اى شئ وأنها موظفة تابعة لوزارة التربية والتعليم لاتنفذ اى من تعليمات الوزارة ولا الوزير ..لا التزمت بنظام الاقساط ودفعها المصاريف كاملة ولا التزمت بعدم إلزام ولى الامر بشراء الزى من المدرسة بالعكس وده اللى حصل النهاردة انها أجبرت كل الناس بالشراء من المدرسة".

وتابعت ولية الأمر فى شكوتها واستغاثتها ،" وكمان لم توفر كل الزى حتى الآن وكمان الكارثة انها عاقبت الطلاب اليوم باخراجهم من الطابور أمام زملائهم وحرمانهم من الصعود لفصولهم وتذنيبهم فى حوش المدرسة طول اليوم فى الشمس والحر عشان الزى جابوه من خارج المدرسة لعدم توفر مقاساتهم بالمدرسة..هل هذا تصرف يرضى الله ان الاطفال اول يوم مدرسة يرجعوا متعذبين ومكسورين الخاطر بسبب تصرفها الغير مسؤل وكل ده عشان ايه ..ده غير المصاريف اللى كل سنة تزودنا علينا بدون وجه حق لدرجة انها زودت المصروفات خلال 3 سنوات فقط للضعف ..مش هاقول غير حسبى الله ونعم الوكيل".