مفيدة شيحة: ترند" فرح سنية" انتشر بشكل ملفت على سوشيال ميديا

خصصت الإعلامية مفيدة شيحة، في برنامجها الستات، مساء اليوم الثلاثاء، فقرة عن مشهد فرح سنية في مسلسل لن اعيش في جلباب أبي، حملت عنوان "وجوه مختلفة لفرح سنية". 

وخلال الفقرة قالت مفيدة شيحة، إن مسلسل لن أعيش في جلباب أبي، عرض في شهر رمضان عام 1416 هـ الموافق 21 يناير 1996م، وفي شهور الحظر سنة ٢٠، وانتشر ترند فرح سنية بشكل ملفت على سوشيال ميديا.. و دا اللي خلى المتابعين الأوفياء و المخلصين القدامى لمسلسل لن اعيش في جلباب ابي يندهشوا من إعجاب كل الناس بلا استثناء يذكر بالمسلسلات اللي اتريقوا علينا سنين لإخلاصنا للفرجة و الاعادة كل مرة.. جمعنا لكم مجموعة من اظرف و أذكى التعليقات و البوستات". 

وأضافت مفيدة شيحة، أن :"من ضمن البوستات وقتها كتبت الصحفية عاليا عبد الرؤوف، دلوقتي بقيتو مستنين حلقة عبد الغفور البرعى، وبقالنا ٢٤ سنة بنتفرج عليه مرة في السنة على الأقل وكنتوا بتتريقوا علينا وتبوصوا لنا من فوق لتحت دلوقتي كلكوا قعدتوا استنيتوا فرح سنية!!  بعد الحظر ومسلسلات رمضان عرفتوا ان كان عندنا حق. 

وأكملت مقدمة برنامج الستات، أنه :"خلاص من النهاردة احنا اللي هنعمل ترشيحات المشاهدة احنا بتوع روتانا زمان وبانوراما دراما.. احنا البريمو".