مطربين أغنية عايم في بحر الغدر: أغاني المهرجانات مش مكلفة

قال مطربين أغنية عايم في بحر الغدر، الفنان أحمد عزت و علي سمارة أنها تتصنف أغنية غير عادية، واتكرمنا عنها عام 2019، وأن أغاني المهرجانات مش مكلفة زي الأغاني العادية، وممكن بسهولة تعمل 8 أغاني مهرجانات في شهر.

وأضافوا، خلال لقاء لهم عبر إذاعة شعبي إف أم، ممكن نغني مهرجانات، ولكن بشكل يفيد الناس، وإحنا بنتعب جدا في اختيار كلمات الأغاني، جاء ذلك خلال حوارهم علي شعبي اف ام مع أحمد الشناوي ولينا صالح. 

 وعلق أحمد عزت: لولا إنه فيه ناس بتقدر الفن ما كناش نجحنا، وحلم عمري أغني مع الفنانة شيرين.

أما علي سمارة: أنا كنت هغني اغنية "عايم في بحر الغدر" لوحدي الأول بس مشاركة أحمد عزت معايا أضافت ليها كتير، و أنا بحب مصطفى حجاج أوي ونفسي أغني معاه.

وعن كلمات الأغنية فعلق تذكرت كويس واللحن بيعبر عن الكلام، و الكلمات مخدومة كويس واللحن بيعبر عن الكلام وعاملين المزيكا ترقص على كلمات حزينة عشان ما تبقاش تقيلة على ودن المستمع.

وعلقوا أحنا بنعمل أغاني تعيش مع الناس، و قريب هتسمعوا أغاني حلوة أوي سجلناها مع بعض، ونختلف كتير في الشغل بس بنوصل لحل فى الآخر.