علي جروب "أمهات مصر".. تعرف علي نصائح دفعة الثانوية الحالية إلي الدفعة القادمة

وجهت عبير أحمد سؤالا لأولياء أمور وطلاب دفعة الشهادة الثانوية العامة 2022، تضمن: "لو دفعة الثانوية العامة السنة دي حبت تدي نصيحة لطلاب الدفعة اللي داخله العام الدراسي الجديد.. هتقولولهم ايه خلونا نفيد بعض".

علي جروب "أمهات مصر".. تعرف علي نصائح دفعة الثانوية الحالية إلي الدفعة القادمة

وقالت عبير، أنه علي طلاب الشهادة الثانوية العامة الدفعة الجديدة أن يأخذوا الأمور بجدية وتركيز واجتهاد والفهم بدلا من الحفظ، وأن لا يضيعوا أوقاتهم في الدروس والسناتر ويكتفوا بالمواد التي ضعاف فيها فقط لو لزم الأمر، وأن يتوكلوا علي الله قبل أي شيء.

وتفاعل أولياء الأمورعلي صفحة إتحاد أمهات مصر للنهوض بالتعليم، في الفيسبوك، حيث قالت ولي أمر: "استعين بالله.. ذاكر من أول يوم.. أقرا ما وراء السطور.. فكر خارج الصندوق.. أبعد عن القلق والتوتر بأى وسيلة من وسائل الطمئنة.. متحطش حياتك ومستقبلك على محك الثانوية العامة هى مش نهاية الحياة لكن هى بداية لحياة جديدة.. خليك فاكر إن مش الكلية هى اللى هتميزك.. لكن إنت قادر إنك تحقق تميزك في أى مكان تروحه.. اللى ربنا كرمه وحقق حلمه الحكاية ما انتهتش لا هى الحقيقة بدأت ويلا عافر حلمك يستاهل.. خليك متشبس بالحلم ويلا جدد النوايا وحط أحلام تانية وطموحات كبيرة إنت أكيد قادر على تحقيقها لأنك حد متميز... أخيرا أخلص النية لله واخدم مهنتك أيا كانت بإنسانية".

وأضافت ولي أمر أخري: "أنا أحب أوجه كلامي للدفعة اللي داخلة أولى ثانوي وأقولهم لازم الإجتهاد والإهتمام من البداية وأولى وتانية هما الأساس للثانوية العامة، اتعب وأسس نفسك صح وإن شاء الله هتلاقي الحصاد في سنة تالتة وبالتوفيق والنجاح للجميع يا رب".

واستكملت أخري: "ذاكر وابعد عن الأصدقاء اللى بيضيعوا الوقت فى الهاتف وابعد عن الفيس، بلاش الضغط والتوتر من البدايه، خد الأمور براحه، حل كتير وبلاش زحمة الحجرة بالكتب اللى ملهاش لازمة، وكل أسبوع اعمل اختبار لنفسك، اتكل على الله وسلمله أمرك بعد مجهودك وربنا معاكم بالتوفيق".

وتابعت ولي أمر أخري: "ذاكروا بالفهم مش بالحفظ ومتخافوش إن الله لا يضيع أجر من أحسن عملا"، وذكرت أخري: "نصيحة لوجه الله محدش ياخد دروس"، وقالت أخري: "الحل فى كثرة الحل، اتعب ذاكر، بلاش صحاب بلاش  سهر".