"كان نفسي أكون هي واخد العربية".. تعليق مبروك عطية على طلاق أبو هشيمة وياسمين صبري
الخميس 05/مايو/2022 - 05:47 م
علق الدكتور مبروك عطية، على انفصال الفنانة ياسمين صبري ورجل الأعمال أحمد أبو هشيمة، في فيديو نشره عبر صفحته الرسمية على "فيسبوك، قائلا: "الزواج شريعة ربنا وأذيع أنهما تطلقا والطلاق شريعة ربنا.. ليه الدنيا مقلوبة".
وقال: "جابلها عربية بـ 10 مليون، لو استشارني كنت هقوله كفاية عربية بنص مليون وكلها بتأدي الغرض والباقي ابني بيه مدرسة في بلدكم قالي باني 4.. ولو رد عليا أقوله لا إحنا كنا معاه وهو بيجيب العربية بـ 10 مليون ولا معاه وهو بيجيب الخاتم جابه لمراته أدى لمراته حقها نشيل من راسنا سواد نظرتنا لكل ذي مال من زمان".
وذكر مبروك عطية: "غيرانة.. كان نفسك تبقي هي وتاكلي الصينية.. ياريت أكون هي وآخد أنا العربية مش آخد أبوهشيمة التاجر الناجح لا خالص هو السواد ناحية اللي معاه قرشين.. اللي معاه قرشين إحنا عايزينه يشحت.. اهدوا.. شايل طاجن ستك ليه عندك سواد ليه دع الملك للمالك".
وعلق الدكتور أشرف صبري والد الفنانة ياسمين صبري على خبر انفصال ابنته ياسمين صبري من رجل الأعمال أحمد أبو هشيمة.
ياسمين صبري وأحمد أبو هشيمة
وقال "صبري"، إنه يرفض الحديث عن أمر الانفصال الخاص بابنته من رجل الأعمال أبو هشيمة، موضحًا "أنا عرفت الموضوع زي زيكم بالظبط من الانترنت ومواقع التواصل الاجتماعي، ومعنديش أي حاجة أقولها".
