رضا عبد العال: مبروك تعادل الأهلي بطعم الفضيحة

تحدث رضا عبد العال نجم الأهلي والزمالك السابق، حول مباراة الاهلي أمام سيراميكا كليوباترا، ضمن مباريات الأسبوع السابع عشر من الدوري المصري الممتاز.

وقال رضا عبد العال عبر فيديو نشره على صفحته الرسمية: " مبروك تعادل للأهلي بطعم الفضيحة، الناس اللي ماسكه النادي الأهلي عرفوا يضغطوا على الحكام وعرفوا يضغطوا على الرأس العام ويوجهوا الأراء زي ما هما عايزين"

وأضاف: " موسيماني مدرب ضعيف فنياً وهو اللي وقع الأهلي، والفريق مقابلش حد قوي في أفريقيا، ويجي يلعب في الدوري بيعاني قدام أي فريق".

وأكمل: " كيروش هو سبب أنه يوقع أفشة ومحمد شريف، ودول اللي كانوا شايلين الأهلي وموسيماني اتكشف لما الأتنين دول وقعوا".

وأردف: " التحكيم على الله وضربة جزاء المحسوبه للأهلي لو عليهم مكنتش اتحسبت، وفيه عدم عدالة وعدم ضمير وعشان كدا محدش راح منهم كأس العالم"

واشار: " الكورة جت في ايد بيرسي تاو الحكم يطنش، ومحمد محمود هو اللي موطي يقوم حاسبها علطول ضربة جزاء، ومش هنتقدم طول ما في مجاملات للفرق الكبيرة"

وأختتم قائلاً: " أنا بقول كلمة الحق، لكن في الأستديوهات التحليلية مش بيقولوا الحق، فيها أيه لما الأهلي يخسر حرام، لو في عداله كان الدوري أحلو".