رضا عبد العال: لاعيبة الزمالك معندهاش أساسيات الكورة.. محسناش بالفريق غير في وجود شيكابالا
الأربعاء 20/أبريل/2022 - 12:29 ص
تحدث رضا عبد العال نجم الأهلي والزمالك السابق، حول مباراة الزمالك أمام الاتحاد السكندري، ضمن مباريات الأسبوع الخامس عشر من الدوري المصري الممتاز.
وقال رضا عبد العال في تصريحات تليفزيونية ببرنامج "البريمو" على قناة تن: "لاعيبة الزمالك عايزة تتعلم أساسيات الكورة وعمر السعيد أولهم، الله يكون في عون جماهير الزمالك من اللاعيبة دي".
وأكمل: " بنتفرج 69 دقيقة على لاعيبة فاقده أساسيات الكورة زي أوباما وعمر السعيد وإسلام جابر، ومحسناش بالزمالك غير بعد نزول شيكابالا هو اللي شغل الفريق".
وأضاف: " وبردو فيريرا يتسأل أنو بيلاعب إسلام جابر على حساب شيكابالا، وغير سيف الدين الجزيري اللي بيتحرك غلط ومش عارف يجري شيكابالا عملوا باص سحري وهو بيتحرك غلط على الكورة"
وأردف: "الزمالك لو خد المركز التاني أو التالت في الدوري باللاعيبة دي يبقى إنجاز، وبالشكل دا هيكون فيه عقد كبيرة المباريات الجايه".
