"قالتلي ألفاظ قذرة وقلعتلي الشبشب".. فتاة واقعة التعدى عليها بالمترو تكشف لـ" مصر تايمز" التفاصيل
الثلاثاء 19/أبريل/2022 - 11:07 م
كشفت "جني" ضحية تعدي سيدة عليها بالضرب أثناء تواجدها بالمترو بصحبة أصدقائها وقامت الأولى بالتعدي عليها بألفاظ خادشة للحياء وإهانة إحدي صديقات "جني" معلقة على ملابسها قائلة: "أحنا في رمضان يا فاجرة".
وقالت "جني" في تصريحات خاصة لـ"مصر تايمز": أنا كنت أنا وصحابي في المترو رايحين اتجاه المعادي والمترو عربة سيدات مافيش أى رجالة معانا..وفاجأة لقينا الست دي بتشتم صحبتي".
وتابعت: "الست مره واحده لقيناها بتقولها أنتي فاجرة والرجالة هتنهش في لحمك ويوم القيامة ربنا هيولع فيكي..الناس في المترو فضلت تحوش وقالولها خليكي في حالك".
وأضافت: "كل الناس كانت معايا أنا وصحابي وهي كل ال طالع عليها أنا معايا قدك وضربتني وطيرت الموبايل من أيدي عشان بصورها".
واستكملت: "أنا عايزة حقنا عشان متعملش كدا تاني مع ناس غيرنا..أنا كنت بكلمها لقيتها شتمتني ألفاظ قذرة وقلعتلي الشبشب من رجليها وعايزة تضربني بيه".
وقالت الفتاة عبر صفحتها الشخصية على موقع التواصل الاجتماعي،"الست المش محترمه دي الولا تعرف اي حاجه عن الدين و الاسلام من اصله اتعدت علينا انا وصحابي و الضرب و الشتيمه (وسخه،فاجره،مفضوحه الخ) بسبب لبس صحبتي وانه غير لائق انها تلبس كدا مع العلم انها كانت لابسه عادي ب شهاده الناس كلها الكانو قاعدين مش احنا بس والدليل ان كل الستات ف المترو كانو ف صفنا واتهاموها انها بتدخل ف حجات متخصهاش و اتدخلت بطريقه غير لائقه.
وأضافت الفتاة عبر المنشور نفسه متحدثة عن السيدة،: " شتمتنا و ضربتنا بسبب انها شايفه لبسها حرام وانها مش محترمه مع ان دي حاجه لاتعنيها ب المرا و ملهاش انها تدخل ف الموضوع من اصله و بتقولها حرام عليكي الشباب الطالعه و النازله مع العلم اننا كنا فعربيه ستات بس دي ست لا تفقه شيء عن الدين و ربنا (لَكُمْ دِينُكُمْ وَلِيَ دِينِ )الست دي لازم تتحاسب".
