الثلاثاء 28 يونيو 2022 الموافق 29 ذو القعدة 1443
رئيس التحرير
حازم عادل
سوشيال

"حسوا بيا".. حمو بيكا يناشد هاني شاكر بوقف التنمر عليه

الأحد 17/أبريل/2022 - 11:18 م
حمو بيكا
حمو بيكا

طالب حمو بيكا بوقف حالة التنمر التى يتعرض لها قائلا" أنا بني آدم زى زيكم .. الاستاذ هاني حضرتك كنت في ندوة واتنـمر عليا وانت اخويا الكبير وانا مسامح والله بس كفاية بالله عليك".

وقال حمو بيكا فى منشور عبر صفحته الشخصية على موقع التواصل الاجتماعى فيس بوك،" يا جماعة ياريت نفهم ان انا موجوع وتعبان ، كفاية تنـمر عليا، اتنـمر عليا مرة واتنين وتلاتة ولسه فيه ناس بتتنمر عليا ..بتتنمروا عليا لحساب مين ؟!انا بني آدم زي زيكم والله".

وتابع حمو بيكا ،" انا اه مش بعرف اقرا واكتب بس ربنا خلقلي قلب احس بيه ، كفاية تجرحوني، مش كل واحد يبقى عنده سلطة يتحكم في البشر ؟!انا 5 سنين بعاني وبعافر بس هما شايفين ان احنا مبسوطين وفرحانين ، لا انتوا اللي مبسوطين وانتوا اللي معاكم ومعاكم كتيييير وعندكم كتيييير بس عمرنا ما بصينالكم .. هو ليه لما يكون معايا حاجه حد يبصلي فيها وعايز يأخدها ؟! ده غير مرضي اللي بدفعله في الشهر كتير اوي ..حسوا بيا ، لو غلطت في حاجه تعالي وحاسبني وعلمني الصح من الغلط ".

واستطرد حمو بيكا ،" فاتح بيت وعندي أسرة وعندي مسؤوليات كتير محدش يعلم بيها إلا ربنا ،،ارجوكم كفاية ياريت تحكموا بينا بالعدل زي ما ربنا سبحانه وتعالى بيقول : " وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ " .. وكفاية تنمر عليا وافتكروا كلام ربنا :"يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وفي النهاية شكراً لكل حد بيدعمني وبيحبني".