أوس أوس: مراتي بتدعمني.. واكتر حاجة بحبها في شخصيتي الرضا

قال الفنان محمد اسامة أوس أوس بداية رحلتي لما كنت في مسرح كلية التجارة جامعة القاهرة ، وكان الهدف بتاعي في بداية الرحلة إن الناس يتبسطوا و يضحكوا، جاء ذلك خلال حواره لبرنامج اللوكيشن والبرنامج تقديم شريف الليثي ويذاع على راديو هيتس. 

وأضاف أول مسرحية عملتها كنت بدخل ٣ مرات ب ٣ جمل بس و كانت مسرحية لغة عربية، بدايتي في شارع الفن كانت في مركز الإبداع مع الاستاذ خالد جلال و هو وقف معايا في رحلتي واتعلمت الرقص والغنا وإلقاء الشعر، أما أول  نقلة حقيقة في حياتي كانت بعد عرض اسمه " أين اشباحي " مع الأستاذ أشرف عبد الباقي وخد رقمي و بعدها بشهرين عملت تياترو مصر . 

وعن أهله فقال دايما كانوا بيدعموني امي وأبويا وأختي من أيام مسرح الجامعة لحد مسرح مصر ، و بعدها اتجوزت و مراتي بتدعمني بشكل غير طبيعي و ابني دايما بيقلدني، و أكتر حاجة بحبها في شخصيتي هي الرضا، و لو هوقف الطريق هيبقي علشان اتصور مع الزعيم .