الجمعة 29 مارس 2024 الموافق 19 رمضان 1445
رئيس التحرير
حازم عادل
رياضة

"الكلام ده كان لمين؟".. رضا عبد العال يبكي على الهواء بسبب كيروش (فيديو)

الخميس 31/مارس/2022 - 10:09 ص
رضا عبدالعال
رضا عبدالعال

دخل رضا عبد العال، نجم الكرة المصرية الأسبق، في نوبة بكاء على الهواء أثناء استضافته في برنامج "البريمو"، وذلك بعد عرض تصريحاته السابقة ضد البرتغالي كارلوس كيروش، المدير الفني لمنتخب مصر، موضحاً أن فشل كيروش في قيادة "الفراعنة" للتأهل إلى بطولة كأس العالم 2022 أثبت صدق تصريحاته.

وقال رضا عبد العال باكياً، "الكلام ده اللي أنا قلته كان لمين.. تعيط ولا ما تعيطش"، كما وجه حديثه لرئيس اتحاد الكرة جمال علام قائلاً: "تعملوا الصح أنا في ضهركوا.. مش هتعملوا الصح أنا ضدكم".

وشن رضا عبد العال على مدار الفترة الماضية، هجوماً عنيفاً على كارلوس كيروش، موضحاً أنه لا يستحق تدريب منتخب مصر، وقال  "احنا زهقنا واتخنقنا ملناش ولا شكل ولا طعم الراجل ده لازم يمشي، ده بيدرب بطريقة سمك لبن تمر هندي، كيروش لم يقدم أوراق اعتماده منذ بداية مشواره مع منتخب مصر، التأهل للمرحلة النهائية في تصفيات كأس العالم مش إنجاز".

وتابع، تعليقاً على هزيمة منتخب مصر أمام قطر بركلات الترجيح في مباراة تحديد صاحب المركز الثالث والميدالية البرونزية في بطولة كأس العرب، "كيروش كان لازم ياخد شنطته ويمشي بعد ماتش قطر، ده مدرب معندوش فكرة وخلاص جاب أخره مع المنتخب"، مضيفاً، "ده بيقول أننا أحرجنا قطر ليه هو إحنا كنا بنلاعب البرازيل، منتخب مصر من غير شخصية مع كيروش، احنا لو بعتنا وادي دجلة يقابل قطر يكسبها تلاتة".

واستكمل "منتخب مصر فقد هويته تحت قيادة كارلوس كيروش ، ولابد من رحيله عن تدريب الفراعنة ، مش عارف اللي جابه اتعاقد معاه على أساس إيه، ده اتشال من كل المنتخبات اللي كان بيدربها".