سيرين عبدالنور: حاليا الأمهات شوية متدلعين بالمقارنة بأمهاتنا
الثلاثاء 22/مارس/2022 - 12:33 ص
قالت الفنانة سيرين عبدالنور ان وجود النجوم، على السوشيال ميديا يجذب الناس ويؤثر فيهم، وعشان ده يحصل لازم نكون علي طبيعتنا، وفي يوم عيد الأم أحب أقول أنا كتير مبسوطة وفخورة بعيلتي، جاء ذلك خلال مداخلة هاتفية لبرنامج جمهورية مصر في العربية والبرنامج من تقديم تامر عادل .
وأضافت عبد النور: "مهم جدا للعالم العربي إنه يشوف إن الفنان شبههم، ويشوف أمومة الفنانات، والأمومة حاجة فيها إخلاص وحياة كاملة، فالأم هي الحنان وكل الأحاسيس الجميلة، والعيلة بالآخر أم وأب، كما تحدثت عن والدتها معلقًة: "أمي كان عندها 4 أطفال بدون مايكون فيه حد يساعدها، والجيل السابق كانوا بيعانوا في تربية الأطفال، حاليا الأمهات شوية متدلعين بالمقارنة بأمهاتنا.
واحب اوجه رسالة من خلال راديو هيتس، لكل أمرأة: اليوم للأسف بنعيش حالات طلاق كتيرة، وكتير من الستات تخاف من الزواج عشان ماتطلقش، ولكن أوعي خوفك من الفشل في الزواج يمنعك من إنك تكوني أم، عشان دي الحاجة الوحيدة اللي ممكن تندمي عليها في حياتك.
و اختتمت قائلة: "أحضّر حاليًا مسلسل "العين بالعين"، مع الفنان رامي عياش، وهنبدأ تصوير بعد شهر إن شاء الله، وتدور قصة المسلسل حول شاهدة على جريمة قتل وطول الوقت بيلاحقها شخص يحاول قتلها في إطار من الإثارة والتشويق، وبشكر الإعلام المصري لأنه دايما جسر تواصل بيني وبين المصريين، وفخورة بمصر وبحكي لكل العالم عنها و بعتبرها بلدي التاني".
