"نصبوا فى 17 ألف جنيه".. موظف يتهم فودافون بسرقة أموال تأمينات العمال
الجمعة 11/مارس/2022 - 01:09 م
تداول رواد موقع التواصل الاجتماعي "فيس بوك"، منشور لشخص يدعي " محمود هندام" يتضمن شكواه من شركة "فودافون" بعد عمله الذي دام بها لمدة 8 سنوات.
وقال "هندام": "بختصار شديد انا اشتغلت فى شركة فودافون لمدة 8 سنوات من 2012 لـ 2020 والحمدلله المدة محصلش مني أى مشكلة مع حد ولكن كل شوية كنت بلاقي بيتخصم مني 185 جنيه قيمة تأمينات إجتماعية".
وتابع: " الطبيعي أنك بتسترد المبلغ من التأمينات بعد متعدي عدد سنين معين ومن كام يوم احتاجت برنت تأمينات لاثبات اني نهيت خدمتي في فودافون .. وبالفعل توجهت لمكتب تأمينات أكتوبر واستخرجت برنت تأمينات ولقيت فيه ان هما نهوا خدمني وان السبب الاسقتالة".
وأضاف :" لقيت انهم نهوا خدمتي يوم 8-1-2020.. وبداية الاشتراك بالتأمين يوم 1-1-2020 يعني شركة فودافون أمنت عليا لمدة 7 أيام فقط بعد ماقدمت الاستقالة ..معني كدا ان بيتخصم مني خلال الـ 8 سنين اللى فاتنو فلوس تأمينات وانا غير مشترك فيه من الاساس ".
واستكمل: " يعني خلال 96 شهر بياخدوا مني 186 جنيه الاجمالى هيكون 17 ألف 760 جنيه..شوف بقي كام موظف على الحال دا وشوف قد اى فلوس بتروح على الارض على الموظفين والدولة ".
