نجلاء بدر تروج لمسلسلها الرمضاني "بابلو"

وفي وقت سابق، دافعت النجمة نجلاء بدر عن زوجها بعد الهجوم الذى تعرض له بسبب تصريحه الأخير خلال مداخلة هاتفية ببرنامج "مساء dmc" ، عندما قال "هطلقك لو تخنتى".

وقالت نجلاء بدر: "تفاجأت بردود الأفعال من الجمهور ودفاعهم عني، ولكن حرام محمد جوزي كان بيهزر مش أكتر، وأنا عشان عارفة طبيعته وحافظة جوزي كويس جدا وعارفة أنه بيهزر".

وأضافت: "عمري ما تخيلت أن الموضوع هياخد الحجم ده، ودفاع الجمهور عني، وأكيد هم عندهم حق طبعا، ولو مش بيهزر يبقى عندهم حق طبعا، ومبسوطة جدا إن الجمهور بيدافع عني وبيدافع عن أي امرأة جوزها بيقولها كده أنه "هيطلقها لو تخنت".

وكان زوج نجلاء بدر قد قال "بحب فيكي إنك بتعملي تشكيلة أدوار كبيرة الفترة اللي فاتت، أدوار مختلفة ومفاجئة، أنا مش متخيل إمبارح كنت بتفرج عليكي لابسة بدلة، واحدة تخينة وعندها سمنة وصدقتك".

وسألت نجلاء بدر زوجها: "لو حصل كده في الحقيقة"، فأجاب: "هطلقك طبعا. أنا واخدك موديل معين، واخدك عربية سبور ولذيدة، تقلبي أتوبيس، هأنزل المحطة الجاية على طول".