نجاح 3 شباب مصريين فى عبور حدود أوكرانيا ووصولهم لرومانيا
الجمعة 25/فبراير/2022 - 11:26 م
نشر مصطفى عطالله ، شاب مصرى مقيم بأوكرانيا صورة له مع عدد من أصدقائه بعد نجاحهم فى عبور حدود أوكرانيا فى ظل الأزمة الحالية بين روسيا وأوكرانيا.
وقال مصطفى عطالله عبر صفحته على موقع التواصل الاجتماعى " فيس بوك"،" الحمد لله الحمد لله الحمد لله اول مصريين يعبروا من حدود اوكرانيا.. اي حد عنده استفسار لاي حاجة انا تحت امره.. ربنا يسهل الامور لكل الناس ال جاية وال هتيجي يارب ..احنا على حدود رومانيا الآن".
وكان محمد العيسوى، مصرى مقيم فى روسيا ، قد نشر تدوينه له على إحدى حروبات السفر يعرض خلالها استضافته لإقامة طلاب مصريين فى منزله بروسيا على خلفية الأزمة بين روسيا وأوكرانيا وهجوم روسيا على أوكرانيا.
وقال محمد فى منشوره" أي طالب على الحدود الروسية الأوكرانية أنا موجود فى موسكو وعندى أماكن ل8 أشخاص لحد ما نرجعه مصر"
وقال مصرى آخر ،" اي حد في اوكرانيا وهيعدي الحدود البولنديه او خلاص عدي من الحدود .. انا اتواصلت مع شركة اوتوبيسات في بولندا بتاخد الناس من حدود اوكرانيا، اللي محتاج مساعده يبعتلي نقطة الحدود والعدد. واقدر اوفر سكن ان شاء الله ".
