الجمعة 29 مارس 2024 الموافق 19 رمضان 1445
رئيس التحرير
حازم عادل
حوادث

جارة ضحية الغدر بالزقازيق: "كان بيدافع عن خاله.. قطعوا جسمه بالمطاوى قدام أمه"

الثلاثاء 28/ديسمبر/2021 - 04:15 م
الضحية
الضحية

تحدثت "ياسمين.ز" جارة ضحية بلطجية الزقازيق، عن تفاصيل واقعة التعدي على شاب يدعي "على" بأسلحة بيضاء "مطاوى" على مرأى ومسمع الجميع بعزبة الحريري بالشرقية.

وقالت "ياسمين" فى تصريحات خاصة لـ "مصر تايمز" : دول بلطجية اتخانقوا مع خال "علي" قبل قتله بيومين وهو دخل يحوش عن خاله ويدافع عنه لأنهم كانوا بيضربوه".

وتابعت "ياسمين": بعد خناقتهم مع على وخاله بيومين يوم السبت بعد العشا البلطجية دول استدرجوا "علي" واتلموا عليه ومعاهم أسلحة بيضاء وأسلحة نارية.. وأبوهم وعياله كتفوه وضربوه بالمطاوي في وشه شرحوه بمعني الكلمة".

واستكملت : " أمه كانت عماله تصوت وتقولهم سيبوا ابني .. أمهم قالتلها بالنص انا متبرعه بعيالي بس يحرقوا قلبك علي أبنك.. وبنهم التاني ضربوا بالنار وقع في الأرض أمه وقعت فوقه عشان تحميه من كتر الضرب وتصوت أبوهم ضربها علي دماغها.. والحقيقه ان ماكنش حد عارف يحوش عنه لأنهم كانوا بيضربوا نار عشوائي.. وحاليًا اتقبض علي الراجل وابنه بس ابنه التاني هربان".

وكان قد تداول رواد موقع التواصل الاجتماعي"فيس بوك"، منشور يتضمن تعدي عدد من الأشخاص الخارجين عن القانون على شاب يدعي "على"، 23 سنة، بأسلحة بيضاء " مطاوي" وقاموا بتمزيق جسده أمام أعين والدته.

وقال "حسين": "على شاب زيه زينا عنده 23 سنه وحيد أمه .. ومكنش لي غيرها ولا ليها غيره "علي" اتعرض لموقف كلنا ممكن نقع فيه ومعرضين لي في أي وقت.. علي شاف خاله ناس مسكاه هتموتوا دخل يحوش عنه قطعوا جسمه ووشه ".

وتابع "حسين": "على انضرب بالنار في نص الشارع واللي قتل علي اتنين اخوات وأبوهم و أمهم ".

واختتم: " مافيش أب وأم يشجعوا عيالهم أنهم يعملوا كده في بني آدم ربنا ما يكتبها علي حد و لا اشوف حد معمول فيه اللي شوفته في علي.. حقك هيرجع يا أجدع و أطيب خلق الله .. ربنا يرحمك ويجعل مثواك الجنه".