أسامة حسني: هو إحنا بنلعب طايرة علشان تقولوا الزمالك كسب في الشوط الثاني 3 - 2
الثلاثاء 09/نوفمبر/2021 - 09:14 م
سخر أسامة حسني، نجم النادي الأهلي الأسبق، من الإعلامي خالد الغندور، بعدما وصل هدف المالي أليو ديانج "الأول" في شباك الزمالك بـ"الصدفة"، على هامش مباراة القمة التي جمعت بين ناديا الزمالك والأهلي بـ"ستاد القاهرة"، ضمن منافسات الجولة الثالثة من عمر مسابقة الدوري العام، والتي انتهت بفوز الأهلي بنتيجة 5 – 3.
وقال أسامة حسني عبر قناة "الأهلي"، "هدف ديانج الأول بالصدفة؟ الهدف ده جه بعد 20 تمريرة، وكابتن خالد الغندور طالع بيقول هدف بالحظ!!، ويعني اية الأهلي سجل هدفين من ضربات جزاء؟ نشيلهم يعني ولا اية مش فاهم؟ والهدفين جم بعد شغل من الفريق، ازاي يطلع كابتن سيف زاهر يقول نشيل هدفين عشان من ضربتين جزاء".
وتابع، "الأهلي موقفش بعد 26 تمريرة في الشوط الأول غير بفاول ضد علي معلول، بيتسو موسيماني تفوق علي كارتيرون، بيقولوا الأهلي فاز في الشوط الأول 3/0 والزمالك فاز في الشوط التاني 3/2 .. هو احنا بنلعب طايرة؟".
