هنا شيحة: في الجونة بابقى بشورت أو مايوه من غير ما حد يغلس عليا
الإثنين 18/أكتوبر/2021 - 11:25 م
قالت الفنانة هنا شيحة إنها حريصة على المشاركة في كافة دورات مهرجان الجونة منذ دورته الاولى لكنه تعذر حضورها في الدورة الرابعة بسبب تزامن توقيت الفعاليات مع تصوير أحد أعمالها.
وتابعت في لقاء خلال برنامج "كلمة أخيرة" الذي تقدمه الاعلامية لميس الحديدي على شاشة "ON" قائلة: "بس مهرجان الجونة بيتي الثاني من زمان"، أكملت: "أنا بحب الجونة وعلى طول فيها من بداية تدشينها في عام 1996 كنت صغيرة طفلة".
كشفت أن كل ما في مدينة الجونة تحبه قائلة: "بلد ساحرة وهوائها نظيف خالي من الرطوبة فهي بلد ساحرة بحب لما أجي فيها أفصل واشد الفيشة بلد ببقى حرة فيها من غير قيود ماحدش مركز معايا ولا بيبص عليا".
واصلت: "في الاخر وظيفة الفنان بطبيعتها بتضعه تحت دائرة الضوء بما يترتب عليه مواجهة الاحتكاك مع الشارع دائما حد يقلي ممكن نتصور أو نتكلم وساعات كبني أدمة رغم كوني فنانة مش ببقى عاوزة وأنا باكل ألاقي حد عاوز يتصور في أوقات كتيرة ببقى مش عايزة لازم يبقى فيه وقت بتاعي أكون فيه وسط ولادي واصحابي.. مش عايزة أركز هالبس إيه والميكب أب إيه".
وكشفت أنها تحب الخصوصية في الجونة قائلة: "بحس براحة وتحرر من القيود وماحدش هيغلس عليا ممكن ألبس شورت الصبح أو مايوه مش بفكر في التفاصيل دي.. أنا جاية أنبسط بلا قيود وده إللي محببني في الجونة عشان كده هي بيتي التاني".
