"اتعايرت بابني".. طفل مصاب بالتوحد يتعرض للتنمر والإهمال بمدرسة خاصة في القليوبية
الأربعاء 13/أكتوبر/2021 - 08:24 م
روت سيدة تدعى عزة صابر، تفاصيل اختفاء نجلها المصاب بحالة توحد وتعرضه للتنمر والإهمال من قبل العاملين بإحدى المدارس الخاصة بالقليوبية.
وقالت "عزة" عبر حسابها الشخصي بموقع "فيس بوك": تخيلو إن عدم اتخاذ موقف قانونى امبارح إن الولد تاه من المدرسة وخرج قبل معاد الانصراف وإن بعد ساعتين على ما فى ناس لقيته فى ميكروباص فى المؤسسة وقدرا أن الولد حافظ رقم تليفونى وأنا كاتباه فى ورقة فى شنطته بالعنوان كمان فاتصلو بيا وروحت أخدته الحمد لله".
وتابعت: "الرد النهاردة من المدرسة إنها ترفض أولا أن الولد يطلع فصله ولما صممت لأن حالته الصحية متستحملش الواقفة دى لأنه عامل قلب مفتوح وقسطرتين ومركب جهاز بالقلب وللاسف ليه عملية قلب مفتوح تانى.. طلعو الولد وقالولى استنى المديرة الى جت بعد الساعه 10ونص بدل ما تعتذر وتحترم نفسها ويحاولو شرا خاطرى يحصل العكس".
وأضافت: "المديرة تتعامل معايا بشكل مش كويس ونظام إن كان عاجبك على أد فلوسك خدى ابنك وورقة وانقليه إحنا مبنقبلش حالات خاصة ولا توحد رديت عليها كل مدارس حكومة خاصة تجريبى فى قرار بقبول اى طفل حالات خاصة انتى معملتيش جميلة فيا ولا فى ابنى انا هاشتكيكم قالتلى اعملى اعلى ما فى خيلك".
وطالبت السيدة في ختام كلامها بتفريغ الكاميرات بمحل الواقعة وإثبات اختفاء ابنها من داخل المدرسة وإهمال العاملين بها.
