محمد الشرنوبى فى أزمة بسبب تصريحاته عن كلية الإعلام بجامعة أكتوبر
أثار الفنان محمد الشرنوبي،
غضب دكاترة وطلاب كلية الإعلام بجامعة
أكتوبر، بسبب تصريحاته في مهرجان الجونة أمس، التي أساءت للكلية، وقللت من
شأنها.
وردت رانيا شعبان ،دكتورة
بكلية إعلام جامعة أكتوبر على انتقاد الشرنوبي للكلية عبر صفحتها الرسمية على
موقع التواصل الاجتماعي "فيس بوك"،: "لما تبقي متضايق من خطيبتك
الأولانية اللي هي خريجة الجامعة، عيب أوي أنك تطلع في انترفيو تتكلم كده عن كلية
وجامعة ليها مكانتها في المجتمع المصري".
واستطردت " الكلية فيها 1500 طالب وطالبة بقدرات تفوق قدرات ناس
كتيرة بما فيها حضرتك، 7 مشاريع تخرج كليه إعلام MSA التيرم
اللي فات عندها نسب مشاهده (موثقة) تفوق الـ800 ألف مشاهده في 3 شهور وممكن الرقم
ده يكون أكتر من عدد مشاهدة اغنية لحضرتك.. وعدد من الحملات والأفلام الوثائقية
اللي فازوا في مهرجانات محلية ودولية أكتر من عدد أغاني حضرتك كلها".
وتابعت: "وعلي فكرة
جامعة MSA دي، ممكن تبقي مكان تحلم تدخل تغني فيه
أغنيه واحده بس عشان جمهورك اللي فيها، اللي حوالي 12 الف طالب او اكتر( اللي
اكيد متضايقين من كلام حضرتك في برنامج عام)، مجرد حلم لحضرتك".
واختتمت حديثها قائلة: "
متهيألي، حضرتك لازم تنزل اعتذار رسمي لأن اللي حضرتك قلته ده غير Professional at all وميطلعش من شخصية عامة اللي المفروض أنها متعلمة ومثقفة
وتعرف لما تبقي متضايقة من شخص، متدخلش تشتم في الـinstitute اللي الشخص
ده متخرج منه، ولازم تعرف أن حضرتك شخصية عامة، الكلمة محسوبة عليها، والكلمة
الواحدة الغلط ممكن تخسرك جمهور بمئات الألوف، أعتقد أنك لعبتها بطريقة ليست
ذكية جدًا".
وكان الشرنوبى قد قال أمس في
تصريحات تليفزيونية أثناء انطلاق فعاليات الدورة الرابعة من مهرجان الجونة
السينمائي: "الجواز لطيف ومبسوط وسعيد ومستقر، وحسيت أن أنا اختارت صح،
وحسيت إننا مناسبين لبعض، مش فكرة أني اختارت صح، معرفش هي شخصيات ممكن تبقى
قابله عيوبي والعكس، فيها ميزة رهيبة أني بعرف اتكلم معاها في شغل، لما بتكلم
معاها في حاجة بتبقى فاهماها، مش بتبقى زي واحدة جايه من MSA".
