محمد صلاح: "شوقى غريب فاكر أنه عمل إنجاز فى الأولمبياد" (خاص)
الأربعاء 29/سبتمبر/2021 - 04:51 م
علق محمد صلاح، مدرب نادى الزمالك السابق، على عودة شوقى غريب للإدارة الفنية فى منتخب مصر الأولمبى بعد انتهاء مهمته الفترة الماضية، وعن أحوال الكرة المصرية فى الوقت الحالى.
وقال فى تصريحات خاصة لـ"مصر تايمز": "الكرة ماشية فى مصر صداقة وبيزنس وصحوبية، وأحمد مجاهد ماشى بعد شهر ليه تجدد لشوقى غريب، إدى الفرصة للاتحاد الجديد انه يختار"، زأضاف: "شوقى غريب فاكر أنه عمل إنجاز فى أولمبياد طوكيو دا احنا جونين".
وأضاف: ""كان الأفضل أن شوقى غريب يقول لا، ومجاهد يقولك رجعنا شوقى غريب بتوصية من فينجادا، هو يعرفه منين، بس الكورة فى مصر أن كل واحد بيجيب واحد صاحبه معاه، وبردو فى المنتخب الأول سايبين كل الناس الناجحة فى الدورى وجابوا ضياء السيد ومحمد شوقى".
وأكمل: "انا خايف يحصل كارثة كروية فى مصر بسبب الظلم الموجود دا، وفى أسماء قوية فى الدورى زي عماد النحاس وإيهاب جلال وأحمد سامى وغيرهم كتير، وهى الناس اللى بتيجى كل مرة دى موجودين فى الورث بتاع اتحاد الكرة"، وأتم حديثه: "أتمنى أننا نلاقى عدل فى الاختيارات وفى الكرة المصرية عشان ننجح".
