"مراسلة بإحدى القنوات الشهيرة".. من هي "إيفون نبيل" بعد حبس زوجها لها تحت تهديد السلاح
الأربعاء 08/سبتمبر/2021 - 07:29 م
أثارت البلوجر والمُعدة إيفون نبيل حالة من الجدل عبر مواقع التواصل الاجتماعي، بعد انهيارها عبر لايف على "فيس بوك"، بسبب زوجها الذي يهددها بمنعها من رؤية أطفالها وحبسها داخل المنزل.
وقالت إيفون نبيل في اللايف: "أنا محبوسة في بيتي مش عارفة أعمل ايه جوزي خد مني الموبايل واللاب وحبسني وخبيت تليفوني ده علشان أقدر أطلع اتكلم منه.. في مشاكل بيني وبينه من سنين بس مكنتش بطلع اتكلم منها وعرفت انه بيسجل مكالمات بيني ومابينه هو في حد بيسجل لمراتهى انا حياتي بتنهار وبقالي 8 سنين بتهدد".
تابعت: "وكنت بشتغل في قناة محترمة وخلاني أقعد قالي مفيش شغل وخلاني خدامة في البيت.. عمره مارضي عني وبيقولي انتي فاشلة كأم وفاشلة كمذيعة وجيه من فترة قالي اقفلي كل حاجة واقفلي الصفحة بتاعتك وقفل كل حاجة وهددني أنه هياخد عيالي ومش معايا حد غير ربنا وأبويا ميت".
إبفون نبيل هي بلوجر شهيرة على مواقع التواصل الاجتماعي وتمتلك عدد كبير من المتابعين، كما أنها تقدم من مقاطع الفيديو الخاصة بوصفات التجميل على فيس بوك، ويتابعها عليه أكثر من مليون متابع.
تعمل بلوجر لعديد من منتجات العناية بالبشرة والشعر والجسم، وتصنف كمعدة ومراسلة بإحدى القنوات الشهيرة.
