الثلاثاء 24 مايو 2022 الموافق 23 شوال 1443
رئيس التحرير
حازم عادل

الرئيس السيسي يتفقد محطة "تحيا مصر" ويستمع لشرح بشأن إمكانياتها

الثلاثاء 07/سبتمبر/2021 - 12:29 م
الرئيس السيسي يتفقد
الرئيس السيسي يتفقد محطة تحيا مصر

تفقد الرئيس عبد الفتاح السيسي، محطة "تحيا مصر" بميناء الإسكندرية واستمع لشرح بشأن إمكانياتها، وبعث الرئيس عبد الفتاح السيسي برسالة طمائنينة، للمستوردين بخصوص الإجراءات الجديدة والتي سوف تطبق بداية من مارس 2022، قائلا: "بقول للمستورد مش هغلبك معايا ومش هيحصل الكلام اللى كان قبل كدة.. المنظومة المالية طورناها بالمكينة الكاملة وحجم المليارات التى أنفقت في هذا الأمر، وقلت للدولة منذ 4 سنوات لو تقدروا تعملوا ميكنة لكل الأنشطة علشان نحيد العمل البشرى وإجراءاته ، ولو عاوزين 100 مليار جنيه حد يقولى تدفع 100 مليار في ميكنة".

وقال الرئيس عبدالفتاح السيسي، اليوم الثلاثاء، إن الدولة تعمل إجراءات فى الاستيراد موجودة بالدول المتقدمة، موضحاً أنه نسمح بدخول أي بضائع إلى مصر إلا وفقا للمعايير الأوروبية.

وأضاف الرئيس السيسي، "مش هنقبل ان حاجة تخش، اى حد يستورد اى حاجة يبيعها للناس تشتغل أسبوع او شهر وتترمى لا.. احنا هندخل كل البضائع اللى هتخش البلد طبقا للمعايير زى الدول المحترمة مبتشتغل.. حاجتنا من شركات محترمة علشان الناس اللى في مصر تشترى وهى مطمنة ومش هنسمح لأى مستورد أنه يجيب أى حاجة مش هانوافقله وكام شهر اللى فات كان عبارة عن إجراءات اختبارية، لكن من أكتوبر هنبدأ التجهيز للتطبيق، وبدءا من مارس 2022 سيتم تطبيق المعايير اللى اتفقنا عليها، لكل البضائع اللى تخش مصر طبقا للمعايير الأوروبية، ويبقا ادينا فرصة للمستوردين لما يتعاقدوا على بضائع ومواد هيطبق عليها المعايير اللى بتكلم عليها، ولو مش هانبقا جاهزين في مارس 2022 قولولي".

وتابع، "الخطوة اللي بنخطيها لقدام مافهاش لا وقوف ولا رجوع، حرصنا على ميكنة المنظومة الجمركية لتحييد العمل البشري وإجراءاته، كل البضائع اللي هتدخل البلد هتكون وفقا للمعايير الأوروبية بداية من مارس 2022، والدولة تسعى لامتلاك قدرات اقتصادية حقيقية".

وتحدث الرئيس عبدالفتاح السيسي، اليوم الثلاثاء عن أعمال تطوير ميناء الإسكندرية البحري، قائلاً، "ننفذ المشروعات حاليا من خلال إمكانات الدولة وتمويلها ونرحب أيضا بالمستثمرين، ونعتمد على الشركات المصرية في تطوير الموانئ، إحنا بنعمل حاجتنا بنفسنا وبفلوسنا".

وأضاف الرئيس السيسي، "الدولة لها مسار مختلف وتستفيد حاليا من موقعها الجغرافي، الدولة بتدخل بتنزع الملكية وبنعوض الناس، لعمل ظهير مظبوط لأن الشق الأمنى بنضعه فى الاعتبار".

كما وجه الرئيس عبد الفتاح السيسي، بتعويض المتضررين من إزالات تطوير ميناء المكس، على هامش زيارته إلى ميناء الإسكندرية البحرى، حيث يطلع علي عملية التطوير في مرافقه خاصة المحطة اللوجستية متعددة الاغراض والارصفة البحرية ومستودعات التخزين الحديثة، وقال الرئيس السيسى: "ممكن نعوض الناس كويس عشان الظهير الخلفى يكون مؤمن تماما"

ads
ads
ads
ads
ads
ما هو أفضل مشروع قومى فى مصر خلال الفترة الأخيرة؟

ما هو أفضل مشروع قومى فى مصر خلال الفترة الأخيرة؟
ads
ads