بعد انتحال شخصيته.. حسين فهمي يدخل عالم السوشيال ميديا

أعلن الفنان حسين فهمي، دخوله عالم مواقع التواصل الاجتماعي، من المقرر إطلاقه قريبا بنسختين عربي وإنجليزي، بعد محاولات من انتحال شخصيته على الانترنت.

نشر حسين فهمي، مقطع فيديو عبر حسابه الرسمي بموقع "انستجرام"، جاء فيه: "أنا كنت طول عمري بعيد عن السوشيال ميديا لأني كنت شايف أنه عالم افتراضي مش واقعي، لكن الفترة الأخيرة ناس كتير اتكلمت عني غلط والحكاية زادت، وطلعت حسابات باسمي".

وتابع: قررت أني أدخل السوشيال ميديا بكل ما فيه من حسنات وسيئات واستحمل، وهتكلم عن حاجات وفن وقصص وذكريات كتير، وأي معلومة هقولكم عنها بمنتهى الصراحة والصدق، وهحكي لكم تفكيري كان إيه عن السوشيال ميديا واتغير إزاي، وهتواصل معاكم بشكل مستمر، وأي حاجة جديدة هبلغ بها هنا، وعندي أفكار كتير عاوز اطرحها على حضراتكم، أرجو إنها تعجبكم.