إعلامية شهيرة تدعم حلا شيحة: "جاهدي الجهاد على طاعة الله عبادة"

وكتبت سالي عبد السلام: "جدعة اللهم بارك، وهى حرة، وعادي واقعي وقومي وارجعي وجاهدي الجهاد على طاعة الله عبادة ويا سلام عندما تربح كفة الآخرة قبل الدنيا وفى الآخر إلا من أتى الله بقلب سليم، ده رأيي، مش هستنى هنا منتدى فتكات ولا رأى ورأى آخر هنا".

وأردفت: "شوفتوا عملتوه منتدى فتكات وأنا مردتش عليكوا ازاى؟! بس لازم تفهموا أنا بعلق على ايه، أنا معلقتش على أي  حاجة تخص الشغل أو التمثيل ولا هعلق وإلا ضرر أي حد من تصرفات حد، أنا تعليقى على انها بتجاهد في طاعة صعبة ودنيا أصعب وبتروح وترجع والناس بتغلط فيها طيب ليه! ده النفس اللوامة جميلة!غير كدة لأ". 

وكانت حلا شيحة قد كتبت منشورًا، عبر حسابها الرسمي بموقع تبادل الصور والفيديوهات "انستجرام"، قائلة: ""أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة، أيام مباركة وخصوصًا بعد آخر بوست نزلته ووضحت فيه أنا إيه، واتفاجأت أكتر خصوصًا بعد وعد تامر حسني ليا وتأكيده إنه هيحترم رغبتي، وبعض الطلبات اللي طلبتها منه بكل احترام وود الصيف اللي فات، وأكدلي إنه هيحترم رغبتي".

وتابعت: "إحنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي، الكليب ده ميرضيش ربنا، وأنا عيطت لإني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط، علشان إحنا بشر بس المصيبة إننا بنغفل وبننسى".